9.16.2013

B be 初發現 @12/07

@12.07.2013
自從生咗小檬之後,日日都好重覆好忙,都未有時間或者未想去諗究竟會唔會生第二個。其實我自己都有少少猶豫。凡事都係有得有失,多一個經濟負擔重咗,我嘅愛,時間會分多一份比另一個,即係話我嘅時間同愛會少咗比檬?(諗到呢到,有啲唔開心,可能小檬係我第一個嘅B)而家已經忙嘅生活,或者出街已經打仗,想像唔到再多一個會係點。一個已經差不多冇咗自己,再多一個點算?而家冇工人都勉強頂得住,再多一個,冇可能唔請。 

當然多一個亦有好處,小檬有個伴,唔使咁悶,大個咗都有個照應。爸爸媽媽亦唔使淨喺掛住佢,分散吓注意。經濟問題,船到橋頭自然直,自己屋企都唔見得有錢一樣咁大,雖然而家社會唔同,不過,諗得太多人會癲。 

生唔生都纏繞咗好耐,尤其一執小檬啲衫仔呀。。啲用品嘅時候,又會同老公講一次,一個兩個都各有各好,所以我地都好15/16。。。於是就決定交比命運,不設防,睇緣份! 

開始咗兩三個cycle 都係維持不變三人世界, 上一個月check到雙線,果次好驚可能未準備好,唔知道點好,仲喊咗出嚟,覺得冇得抱小檬喇。。冇得同佢攬住喇。。。好唔捨得, 好似黐咗線咁!! 但係後來係食詐糊,原來綠d過期就會有雙線如果係啲未婚少女實嚇暈咗。。真係激C 

 其實咁hea嘅情度,能中才怪!六月尾皮膚敏感又睇醫生,又食藥,又擒高擒低碌地同小檬影相,到B Be 嚟嘅時候我仲係冇諗過,仲餓住肚攪gathering。。(唔怪之gathering時敏感爆瘡瘡啦, 我仲心諗要見人先嚟爆)到遲咗嚟都好似冇咩為意,我同事又係遲咗,我仲叫佢唔好慳,快啲買支棒棒check添。點知呢頭自己講完就心諗不如自己都check吓,用老公新買綠d一試。。。真係有出現淺雙線, 即刻到藥房再買另一支,結果都是雙線! 

腦袋一片空白,因我哋係”好冇計劃”咁”計劃”,冇諗過真係一撃即中,緣份真係要黎便黎, 不過冇諗過咁快,我地都好感激上天再賜呢份禮物! 

今日又一次做孕媽媽喇…回想起原來630的Blog blog bb gathering 已經有小B Be的參與了! 

我教小檬我肚肚有BB喺度,之後再問佢有咩喺到呀?佢就話 “B be”喇 !! 

多謝小檬幫我諗叫佢做“B be”

37 則留言:

  1. 再一次恭喜呀, 好開心呀, 唔好唸咁多啦, 好好再enjoy 奇妙嘅孕旅程
    好開心好開心好開心, 我開心過自己有呀, hahahahahahahaha

    回覆刪除
    回覆
    1. 哈哈哈。。。你再有我都一樣鄧你好開心架。。快啲啦

      刪除
  2. 小檬有細佬/妹妹陪伴住成長真係一件好開心嘅事,點諗都係一件值得開心嘅事,再一次恭喜你地!!!!!!

    回覆刪除
    回覆
    1. thanks!!!
      係呀。。而家佢就同我地玩,遲吓佢就覺得我地唔好玩,或者嫌我地老土架喇
      有個伴係一件好事

      刪除
  3. 咦...我都係用過期綠d喎...咁我又準喎...hahah
    btw...恭喜晒呀!!!知係妹妹定弟弟未呀?
    其實有左bb照抱大個個應該無問題o既
    自己手足嘛...唔會小氣o既....
    我到今日差不多23週都仲日日抱..hehehe

    回覆刪除
    回覆
    1. 我果時未有就變左有呀。。哈哈
      未知佢係細佬定妹妹,不過真係冇所謂
      我唔係怕佢小氣呀。。。而係小檬有時太興奮啲飛毛腿好勁架,尤其係扭計果時呀。。。

      刪除
  4. 我初初知道有細b既時候,同你一樣好驚訝,邊有諗過一次就中架...之前我同老公雖然係有計劃要第2個,但一諗到個負擔會重好多之後,個心即刻變得15/16,所以都唔敢諗住,點知一次意外就... :p
    不過咁諗,有兩個其實都係好事黎,第日佢地有個伴,大左又唔洗一個人自己分擔年紀大左既父母,唔錯唔錯~
    Gen mama, 你幾時預產期呀? 一齊努力啦...

    回覆刪除
    回覆
    1. 其實個個諗到經濟負擔問題就好煩惱,不過我都覺得唔應該用呢個為第一前提去決定。

      下年三月呀。。你呢? 應該早過我,湊住一個有一個真係唔容易。。大家加油喇

      刪除
  5. WOW...恭喜哂....小檬以後多個伴, 應該開心好多~

    回覆刪除
    回覆
    1. THANKS!! 應該係開心好多!!

      刪除
  6. 恭喜恭喜!好登你地開心!四人家庭好完滿!計落木木大b be兩個月左右咋喎~

    回覆刪除
    回覆
    1. thanks!! 係呀。。又可以一齊玩喇

      刪除
  7. 可能越冇計劃咁計劃,個人放鬆啲就越易中呀!
    小檬咁叻叻,一定可以做個稱職好哥哥呀 :)

    回覆刪除
    回覆
    1. 自己可能知道面對另一啲問題,又諗住遲啲先。不過其實快啲中都啱, 我又唔係18/22!!
      佢地唔打交已經好好喇。。

      刪除
  8. 邊駛諗咁多, 煮埋黎就食, 我而家七個幾月都照抱, 或者我唔錫身啦, 你有媽媽幫手已經係big plus, 吾駛咁擔心嘅, 加油檬媽, 小檬一定係個好哥哥

    回覆刪除
    回覆
    1. 小檬啲飛毛腿真係唔講得笑。。hannah B 女仔一定乖啲

      刪除
  9. 恭喜你,有兩個小朋友,係教養上應該是比較好的,不過經濟的確負擔重左,但唔好諗咁多啦,保重身體。

    回覆刪除
    回覆
    1. 都係架,針冇兩頭利。。。

      刪除
  10. 放心,小檬一定會係個好哥哥

    回覆刪除
    回覆
    1. 希望啦,不過佢地唔打交已經好好喇。。

      刪除
  11. 好開心呀~!!! 我即時同 62 講小檬要做哥哥喇~~!!!!
    再次睇到孕媽媽日記, 真係好開心~ 放心啦, 以後唔止有老公陪你做孕媽媽, 仲有小檬陪你呢~~
    恭喜你呀~!!!

    回覆刪除
    回覆

    1. 多謝你呀。。老爺又冇都好高興,順便問埋你呀?
      今次湊住小檬時間少啲寫,不過都會盡量寫吓啲想記低嘅事。

      刪除
  12. 再次恭喜你! 畢竟有B都係開心事!
    其實你有過第一人個, 不設防就好易中第二個架嘞~ 希望你今次都好似生小檬咁順利!!
    我同陳老公都仲十五十六梗生唔生第二個...
    BTW, 原來上兩次見你都已經有左~~ ^^

    回覆刪除

  13. 多謝呀。。其實真係15/16,所以我地交比上天。

    希望啦。。唔諗咁多喇。。。而家湊住小檬都冇咁多時間諗,所以時間應該更加容易過

    係呀,所以我喺playhouse 都冇咩同小檬跑。

    回覆刪除
  14. 恭喜啊!

    你講得岩, 緣份就係咁, 要黎就黎嫁啦! 原來上次630大家已經同BB見左面, BB一出世就會識好多EE呢~

    回覆刪除
    回覆

    1. 係呀。。果時都未知,亦冇諗過。唔怪得啲皮膚咁差啦。。

      刪除
  15. 恭喜你呀!好好保重身體呀!你自己有冇估係男仔定女仔呀?

    回覆刪除
    回覆
    1. 多謝,我又冇估喎。。。等醫生開估!嘻

      刪除
  16. 恭喜呀,吾好念太多喇,有時我都會同自己講“船到橋頭自然自“,之後真係舒服d!
    BTW,小檬一定係個好哥哥幫手湊B be ^^

    回覆刪除
    回覆
    1. 多謝呀!! 係呀。。迫到埋身就有解決方法。

      小檬唔搗蛋已經好幫手喇。。哈哈

      刪除
  17. Congrats ! Long time no see !

    回覆刪除
  18. 恭喜你, 你會唔會又去仁安生呢?

    回覆刪除