9.17.2013

B be 孕記@ 20-26 07

20/07 @ 5W5D 
今日放工之後約咗NT去老公母校影相,其實有少少猶豫,因為尋晚有少少少啡色出現。不過時有時冇,同埋真係好小。 我都唔會同佢狂奔架喇。。都係行吓行吓,應該都好健康。 

小檬婆婆都有一齊去,加上NT哥哥嘅姐姐朋友都有嚟幫手,小檬一去到就黐住靚姐姐,好囉,有兩個人幫我湊住佢我都放心啲。 大部分嘅時間都係影呀檬,我地都係行行企企坐吓,其實呢日天氣都係麻麻,不過影嘅時候都冇落出雨,已經好好。

NT哥哥好鍾意呢到,都係嘅,呢到真係好靚,啲建築物舊得嚟好有味道,同而家嘅新校舍嘅感覺真夠呢得比! 唔知係咪自己有啲擔心呢。。。呢晚發惡夢,內容唔好講,好驚嚇,之後就扎醒咗,瞓唔返。由兩點幾到四點幾。。好眼瞓但又瞓唔到好辛苦!! 

21/07 @ 5W6D 
小檬公公有好多親屬喺加拿大,呢日有個檬媽冇見成廿嘅年嘅表姐返咗呢,同埋佢細佬兩公婆同我地家一齊飲過早茶。 表舅父/母好錫小檬,繼Burberry 褸仔/jordan鞋之後,又買burberry t shirt比小檬。我真係愛C佢地!! 

開開心心飲完茶之後,我就同小檬一齊返屋企瞓晏教 呢日都有啲粉紅色,所以之後我喺屋企就齋坐。。。 

@22/07~26/07 
星期六日之後嘅星期一,返工之前已經發現有少少啡色,都唔知可以點,都準備咗出門口,返到公司交代好手尾先出去睇醫生,睇得醫生,都知道會寫紙我bed rest,所以我呢星期喺屋企渡過

又唔係淨係喺床嘅,唔係食/去,就係坐喺sofa或者瞓教,婆婆嚟咗睇住我同小檬,如果得我一個真係唔掂,佢已經冇時停,以為好多時間喺屋企可以吓blog,整吓相,同小檬玩吓,結果好似乎樣樣都做唔成咁。

食咗啲藥又眼瞓,於是我好似一隻豬咁過咗呢個星期。 

唔知係咪緊張又或者唔舒服,瞓瞓吓好熱,又醒咗瞓唔返,聽日冇得瞓晏教先嚟失眠,唉。。。。 
休息咗幾日,已經冇啡色,等下次再檢查喇。

13 則留言:

  1. 好彩嗰日無叫你做嗰啲凌空720轉身嘅高難度動作者

    回覆刪除
  2. 檬媽你要乖乖,休息多D呀!

    回覆刪除
    回覆
    1. 我已經好乖乖架喇。。不過見到假期又好天,都想同小檬出去,呢個就係第二個嘅難處。。。

      刪除
  3. 已經休息咗兩次,見到放假又好想同呀檬出下去玩,所以陀第二個真係好難顧到咁多!

    回覆刪除
  4. 又要湊住個大,陀二個係辛苦好多,.......SUPPORT U!!!

    回覆刪除
  5. 休息多D呀!(雖然我都知好難..)

    回覆刪除
    回覆
    1. 好幸運我已經唔使做家務,老公/鐘點/同婆婆分擔哂,所以都可以專心休息。

      刪除
  6. 要爭取時間休息呀﹗

    回覆刪除
    回覆
    1. 我知架喇。。已經好早瞓,所以放工食埋飯返到屋企都冇咩可以做到。

      刪除