妹妹豬@19M & 小檬@3Y8M

妹妹豬@19M

開始綻放少女嘅味道~ 

其實只係睇相大個女咋! 今個月好多野都進步神速

食
呢項就好難再有突破。
繼續好鍾意食，食好多，食唔停，
麵包，滅細舊比佢唔會要，會發脾氣，要自己拎住。
粉粉要自己食，唔使你餵，
啫喱打開筆落碗仔唔要，係要原裝嘅杯。
諗住筆多啲出嚟等佢用原裝杯，佢又嘈。。。唔比你筆走啲
總之佢就係要哂所有！！！ 

說話能力
講野多左，數數1~10 , One ~ Ten中文英文都記得哂
連自己個名都講到, 仲好清楚添。

之前叫我做媽媽，而家突然改口做"媽咪"

除咗跟住講之外，都會自己講自己要講嘅野，
"我要落地"，"媽媽開/滅"之類
"我要食糕糕"

除咗食會觸動到佢神經之外，"去街唔預佢"都係另一大事。

試過要帶小檬落街食啲野返嚟先再接佢，
佢對出街落街呢啲字眼好敏感，即刻自己去拎鞋，
入房攞"bag"跟住就等我哋！

我哋通常叫佢入去著外套，用調虎離山計之後就出門口，
不過比佢出嚟發現我哋走咗，就會爆喊。。
婆婆試過屈服跟住帶佢落街搵我哋

電視見到知道邊個鍾意睇幾節目都會叫邊個，
好似四個小生去旅行，會指住去叫婆婆睇／
見到陳豪同隻狗狗會叫姐姐睇。。
見到迪士妮就會叫哥哥
媽咪就冇。。因為我冇咩睇電視～

同哥哥關係都算好，好鍾意哥哥，唔見哥哥一陣返黎都要攬住，
不過有日唔知有咩衝突居然咬哥哥(心痛)

哥哥痛到喊哂(淚)

可能呢排出牙仔，牙仔痕
不過小檬從未試過咁，比人咬就試過 =p
點解妹妹豬會咁架？？？
不過好在暫時都係得一次。。好在都係對哥哥，
如果咬到第二位小朋友我仲內疚！

超級識爹爸爸，一起身，就叫爸爸。。。
我一放工返屋企，妹妹豬就衝埋嚟叫媽咪，好冧㗎！

冇咩耐性，同我一樣係心急人嚟。要一樣野，就要即刻有
好鍾意上樓梯，上得OK啦，落就麻麻。
食完飯仔，自己會除圍裙仔跟住拎碗碟比姐姐
水水車車奶奶mum、夢（多啦A夢）key（mickey）kitty，bag，
好／唔好
呢幾日開始記得識對答
邊個同你去呀？？媽媽／哥哥／爸爸
有冇姐姐呀？冇
今日邊個同你去飲茶呀？？媽媽 （契媽媽）
仲有邊個呀？？ 哥哥（ED哥哥）
食咗咩呀？？ 包包
抱你睇咩呀？？ 魚魚～

食到骨骨~ 咦！骨骨

瞓覺會拖你手去拍拍佢，夜晚醒咗又捉返你隻手。
好似哥哥果時R背脊咁


妹妹豬其實都算好湊，唔會扭眼瞓，眼瞓自己走入房攞枕頭。
喺街抱起佢叫僕落我哋膊頭就瞓。
食就更加容易。唔怕陌生，比一兩分鐘佢warm up就得。
個個抱都得，我哋去街啲朋友幫吓手抱都冇問題，
我哋就可以休息吓。
 妹妹豬啲表情又可愛又好笑
抵咁多人錫你, 繼續乖乖做我最愛嘅妹妹豬

小檬 3Y8M @26/09

哥哥冇咩特別，講野再老積咗，
個冷氣又滴水,  "你可以叫果啲師傅叔叔嚟幫你整架嘛"～ 
有日乖，我獎勵佢可以睇一陣You tube，不過要妹妹瞓咗先。
佢即刻同妹妹講"你快啲瞓喇。。好夜喇". 再嚟 "你好去瞓喇！！"
我同佢落街，婆婆同姐姐妹妹留喺屋企，
佢同婆婆講 "你哋喺到喇。。小心啲呀吓！"

過馬路 "婆婆你睇車呀～"
媽咪唔記得寫學校本借閱讀圖書記錄，
"媽媽你下次你記得喇! " =__=

朝早起身會主動叫媽咪早晨，爸爸早晨，
而家會主動自己著衫／會關上門，
叫我哋出去（因學校教佢地要保護自己。
基本上已經可以全部自己著自己食飯。（美觀整潔情度另計）
叫沖涼就later later。比較難攪嘅一項。
為免小檬成為少爺，能自己做的事情都會叫佢自己做，
姐姐幫忙後一定要有唔該。

超級錫妹妹，會氹妹妹！
好守承諾，好有記性，拎一塊puzzle已經記得邊個位
前排嘅trouble／terrible／naughty 只係偶然出現兩三次。。
都係我最愛嘅小檬!!