神秘禮物

FB剛成立初時，美國好朋友已經把我加做朋友，

朋友送下花，養吓兔仔咁，初時未太流行，

我加嘅香港朋友仔都一頭霧水。

到後來多啲人玩，就熱鬧啲。

我都幾鍾意FB，因為可以多啲睇到我親戚朋友近況相片，

尤其係外國嘅長輩(佢地好潮) 起碼大家都可以 keep in touch。

但係而家FB好似變哂，多左好多人做生意，多左好多媒體，

多左好多時事話題，多咗人拗撬，

唔好話人，自己都有加啲媒體，有扮靚啦，又親子啦，又有朋友share，

七國咁亂。。。

到IG呢個Apps一開始又係美國好朋友開，

我又跟住，好快我就荒廢左一段時間，到近排又多返post相，

呢個app好似唔係好使理其他人，

自己鍾意post咩就post咩。有時睇返小檬妹妹都好開心。

講完一大論，講FB純粹係講開又講，

其實我想講有一日周圍八IG嘅時候，睇到一個雜誌編輯媽媽，

佢啲母女相好靚，好多靚人靚物品。。

見到佢收到份刻左佢同啲女女名嘅手鍊，

覺得好溫馨好有意思。

一睇個牌子，哦。。我唔識適嘅～ 哈哈

不過要搵唔難。

上到網站就發現可以自己試吓刻字上鍾意嘅手鍊／手鐲上。

於是我就玩吓, 諗吓呀仔呀女名點放，自己名？？老公名？？

我鍾意果個款, 原來好多面都可以刻

我個心又冇話一定要買，不過見幾靚，都係諗吓先

果晚太夜未整完save咗，minimize佢sleep部機

 zzZZZ zzZZZ zzZZZ

點知第二日放工

老公居然拎住呢個袋嚟接我

究竟裡面係咩嚟？？唔通佢真係知我睇緊呢個牌子？？

 謎底下回分解。。。