媽媽放聖誕 [1] ~ Snoopy & Tomica 車車

繼媽媽放暑假之後，又嚟個媽媽放聖誕，

今年多左妹妹interview／又去咗日本玩，

啲假期用得7788，所以只可以額外放多兩日陪小檬哋。

@28/12/2015.

以前一到聖誕，就有好多大片上演，套套都好睇，唔知揀邊套

小時候都有好期待聖誕假期爸爸帶我同哥哥去睇戲。

到而家，可能電影業都知我哋忙，冇時間睇戲，冇咩拍啲好吸引嘅戲比我哋睇。

 話雖如此，聖誕假期都總有一兩套啱小朋友嘅片上映

Snoopy~ 

雖然妹妹豬未到兩歲，但佢喺屋企都識得睇同會坐定定，

於是膽粗粗帶埋佢同姐姐試吓～（姐姐都好興奮，因為第一次睇戲）

一心諗住有得影同Snoopy一齊睇戲，點知呢間戲院係冇嘅，

唔好話呢個大嘅，連一個snoopy嘅細牌都冇！！ 

真係唔喺太明！

好在兩隻豬仔帶埋自己嘅玩具嚟撐場。

特登揀咗件charlie brown著架!

其實小檬未夠100cm可以抱住坐，不過想佢舒服啲，

等佢自己一個加高凳坐，我就抱住小妹豬睇。

一熄燈，妹妹都好鎮定，

開場snoopy 8 charlie brown 出場。。妹妹豬都冇笑，好認真咁睇。

睇到一半仲瞓咗添。。wakaka 

第一次睇睇吓瞓左都幾好笑，

不過好過係喊要扭出去

而小檬呢，就識笑. 都好enjoy 

睇完都記得劇情講得返出嚟

睇完戲食lunch之後，又諗地方去，事前真係冇好好計劃，

諗起可以去啲假期多人去嘅平日

應該冇咁多人。於是走咗去睇車車

YEAH! 

妹妹豬叫唔執輸，佢當然又要yeah

妹妹豬唔知扭咩

冇做功課就梗係差啲，一心諗住有得揸車車，

點知原本星期六日先有。

唯有周圍影

小檬加油站

又冇排隊入去玩車車，

於是就走咗去公園放電。

而家攬住影張相都好難

是日妹妹豬幾曳吓！！

  被夾住先影到

你睇吓呢張相~

妹妹豬頑皮

媽媽勞氣

小檬佻皮

capture the moment！

檬爸good job!