急V喊?!

小檬由BB開始瞓教都算好乖，要瞓就去瞓，唔會扭眼瞓，

一晚瞓到大天光，唔會半夜醒！

就算喺街眼瞓都係自己撲埋檯面瞓，唔會扭！

不過近呢幾個月，小檬瞓教差咗好多zzz zzz 

記得應該喺7/8月時間開始，瞓到半夜，就會喊，

嘈醒婆婆，攪佢唔掂，又嘈我哋，

又唔知喊咩？ 發惡夢？？又話唔係（定係未識？）

有問係咪瞓教見到啲咩？（又話冇）

係咪玩得巔？又未必係？！唔係一定放假後。

有時攬返住佢又好快瞓返，有時就喊一輪先收聲瞓返。

太嘈一定嘈醒妹妹，好在妹妹好乖，坐起身眼望望，拍返又瞓過。

果時咁啱係七月份，同屋企人講開，

契媽媽同表舅母都比左舊玉佢陪佢瞓。。。

出奇哋第一晚印即刻冇事！

不過第二晚又係咁=_=

如是者，一星期又唔係晚晚係咁，可能都有一兩晚。

第二日問返佢又話唔記得自己起個身，又回復好乖巧嘅小檬

過一排，又有啲唔同，喊醒都係咁啱介片之後, 

我哋又發覺佢其實係急VV要去，個人知道要去，

但又好眼瞓，於是又好抿僧，所以爆喊，

因為每次喊喊吓就話要去VV。

一去完就好神奇好似冇事咁返去瞓。

有時又唔係喊，喺張床度叫, 好似啲狗仔叫

有時叫爸爸。。（通常我叫爸爸去處理）

跟住爸爸的佢去廁所，V完就冇事，好平靜咁瞓返。

（其實瞓之前已經V左一次，不過半夜都一定要去）

又試過喊。。爸爸好惡話佢（我心諗佢自己都癲咗咁，點會聽你話）

點知又真係得，即刻乖乖地返床瞓。

有晚爸爸過到去仲見到佢想除褲喺床去VV（滴汗）

我都有諗過佢係咪夢遊！！

亦同一時間，小檬突然間有濕疹，隻腳R到損哂。。。

婆婆話佢痕，會坐喺到R，

前兩日睇另一個醫生so far好咗啲唔痕，亦提早咗飲加營素，

臨瞓去完VV，就連續兩晚瞓天光。

尋晚又突然間又喊，爸爸忍唔住的佢出去鬧，

真係鬧完又自己乖乖入返房瞓。。。

原來每次只要大聲話佢，就會自己返去瞓～

又係第二朝咩都冇發生過咁。。。。

其實我真係好想知道究竟發生咩事？？？？

急VV？痕？發惡夢？

飲醉酒叫發酒癲，

眼瞓喊叫扭眼瞓，

小檬呢隻叫咩？？ 急V喊？

急VV==> 再早啲飲加營素

痕？==? 希望濕疹快啲好返，唔好痕

發惡夢==> 好難幫, 試吓唔好玩咁巔，臨瞓前講吓故事

睇吓會唔會有改善？？!!

我都係鍾意瞓教前乖巧樣多啲!!!