1.05.2016

媽媽放聖誕 [2] ~ 行山。 清快塘

成日睇FB小社區個谷啲朋友行清快塘,行到上去有個荷花池好靚,
見又近近哋,就心思思想試吓行。
本來聖誕節叫埋表舅父一齊去,點知表舅父有啲事遲咗,就冇去。
於是最後一日假期決定去行!

朝早食完早餐就起行,不過都唔係十分早起身
放假所有人都遲哂瞓!
檬爸負責帶路,因為個入口要搵一吓嘅。。。
點知一嚟就行錯,路在口邊,
就即刻捉住個行緊嘅酒家叔叔問路。。
佢好熟路,仲帶住我哋行咗一小段就到入口!

正式出發~

當日天氣算好好,唔大風唔太凍唔曬!
一開始原來都幾甘。。。
全部樓梯/斜路冇咩風景!
行咗十分鐘唔夠小檬已經話好累,話要抱!!!

啱啱開始咋喎~即刻比啲鼓勵佢,飲啖水又再繼續。

太多樓梯關係,妹妹豬暫時都係比爸爸抱住,唔使行!

小檬都開始習慣,肯自己行喇。

對於小運動嘅我嚟講,行咁多樓梯真係好甘!
不過小檬繼續自己行

跟住有啲斜路就試吓比妹妹行

兩個一路玩一路行就好啲。。


終於行到見返出面幾環境,見到青馬橋喇!!

到野餐檯. 大家休息一吓飲吓水

食吓餅餅

影吓相


妹妹豬超級興奮中

欣賞吓風景

問個應該係村民嘅叔叔仲有幾耐先到荷花池,
叔叔望一望我哋,話有兩個小朋友呀。。一個鐘啦!!
時間上比我哋預嘅長啲,如果再行,食午餐時間會太較遲(妹妹豬唔餓得)
於是就計劃今次行到呢到為止 下一次再繼續

上山輕易落山難,妹妹豬不知嘅鍾意行落山斜路,

不過我哋就要係則邊扶住吓。。


到最後都係爸爸抱=p

落返嚟,又見到頭先帶路個叔叔,原來佢係燒燒鵝架,
呢個燒鵝叔叔仲請小朋友飲多多添!!

不得不稱讚吓小檬,雖然一開始口話好累,
不過最後全程自己行唔抱,
第一次行已經好叻叻喇!!(慈母)

又要讚吓檬爸,全程抱住隻小肥豬仔都冇話累,都好叻叻啦!

希望下次成績再好啲啦!!



10 則留言:

  1. 第一次行成績好好啊, 小檬好叻叻啊!!
    檬爸仲要抱住個又要俾個讚~

    回覆刪除
    回覆
    1. 第一次算叻叻啦。。不過都唔及大爺叻,下次你行level 1 叫埋我哋
      兩個一齊行應該更醒神

      刪除
  2. 小檬肯自己行好叻呀...換轉係我, 我諗我見到d樓梯都唔想行, haha~

    回覆刪除
    回覆
    1. 佢算幾叻喇!平時都唔多做運動,而家應該做多啲

      刪除
  3. 見到啲樓梯都有啲暈 wakakakaka~

    回覆刪除
    回覆
    1. 係呀。。。之前聽人講多,原本真係唔少。。。哈哈!

      刪除
  4. 一個鐘係預多咗, 由涼亭到荷花池大概半小時架咋, 頂盡40分鐘
    下次加油!

    回覆刪除
    回覆
    1. 我都估個叔叔預多啲時間,因為佢一開口就話,你兩個細路呀。。哈哈

      刪除
  5. 我仲未敢挑戰行山,小檬叻仔

    回覆刪除
  6. 第一次行山,小檬表現真係好好呀,我估我屋企件燒腩仔實扭到爸爸抱為止

    回覆刪除