妹妹豬20M~22M 成長紀錄

唔知幾耐冇寫妹妹豬嘅成長紀錄，

之前打咗啲成長紀錄都冇出，唔寫低都已經記憶模糊

襯兩歲前要出埋佢！

20M@19/10/2015

二字頭喇～真喺話都冇咁快！！！

上個月進步唔少嘅妹妹豬今個月都唔差。

食

除咗偷偷飲橙汁之外，又會趁哥哥食粉粉嘅時候偷食食魚餅。

而家食飯，周圍走。。。唔肯坐低。

坐high chair仲企高絕對曳過哥哥。

腸仔／糖／紫菜／一粒／一次／拍。

句子最叻係我要落地。

瞓

之前一直都係姐姐同佢瞓，碌兩陸瞓著呢排點燈要爸爸。

瞓瞓吓醒左就會伸手嚟搵我，我就會拖住佢瞓。

一見到朋友，就會指住叫哥哥，
即介紹哥哥比人識。繼續好鍾意哥哥，

不過又咬咗一啖哥哥。。妹妹呀。。

點解你會咁架？？

好鍾意黐住啲哥哥姐姐玩。

啜手指

BB時候已經啜手指，諗住兩歲之前等佢自己介，

不過手指公嘅枕一舊喺到，越來越嚴重，

於是又買咗手指水，比佢試吓，估唔到一食，佢地、就喊晒話好苦！！！

哈哈，之前都冇聽佢話好苦。原本佢識苦果喎。

果晚真係唔食，搽埋第二晚，都一樣唔食，

之後唔搽叫佢食手指啦。。。佢啲灑手擰頭喇。被手指水嚇怕

超級鍾意電話，有時影完相，睇一睇返，

佢都會拍一拍自己叫喊自己個名，意思叫我比佢睇自己。

我通常都唔比，因為佢嘅節制能力比哥哥更差，

一去冇回頭，唔會比人攞返。

有時會lur地發脾氣。。。發咗顛咁。

上PG已經有差不多一個月，據爸爸報告，

比起第一次嘅係有進步。

跳舞，好鍾意聽到音樂就跳舞，

有時播哥哥學校啲音樂，兩個就跳到好開心。

電視播妖怪手手錶都會一齊跳。

唱歌就識跟最後一個字。

21M@19/11/2015

食

早排比哥哥傳染，病咗幾日，咩胃口都冇。

不過好快好返之後又繼續食過。 而家食飯好曳，唔肯坐定定，

屋企果兩個都冇佢辦法，而我亦唔理到咁多佢肯食又健康都算。

繼續係食物分開要大份，唔要細份，

而家食物有時都唔肯分享，不過講多兩句又會肯。

湯都肯飲試過比雞亦佢食好鍾意（哥哥完全抗拒），

不過我會剪哂皮同一條骨，等佢容易啲咬。

瞓

而家入去瞓之前，要攞樣玩具，
有時要爸爸/有時要媽咪陪住入去瞓。

都好快會瞓著。

說話能力

兩個月一次寫真係進步左好多，而家完全明晒我哋講野，

識講"出去"（要自己係廁所洗手，唔使人幫）喺房

識講檸檬茶，麵包超人，Anna Elsa／laf laf （Olaf）遮 鞋....

妹妹豬性格比較著急躁，

好多時唔比或者遲啲比都會發脾氣

我要不停同佢講喊就冇，

笑就有。喊就冇，

笑就有。喊就冇，

笑就有。喊就冇，

笑就有。不停loop 。

 講到妹妹而家自己有時第一吓發脾氣

都會第二吓四萬咁笑返。

跟住自己講"喊冇~笑有"

哈哈哈

23M@19/01/2016
呢段時間妹妹豬真係叻咗好多好多。。。
食都係好鍾意食野，早上一支奶，再食包包，午餐一大碗飯／粉，
有肉或者魚，有菜，生果，每樣種類都會食，
有時自己食完，見哥哥或者我哋食緊，又食。。
體重直線上升，抱起比小檬更聚手。。。我都開始投降。
鍾意自己筆，都控制得唔錯，
有啲未係好叻嘅都堅持自己筆，唔鍾意人哋餵～
喺屋企食食吓都唔係咁鍾意坐high chair，
成日逃走（相反小檬就小啲）
自己企起身！有次喺街食雞亦，剪哂啲皮同一條骨，
比左少少佢食，佢好鍾意。之後就買啲有機雞亦佢食，
估唔到佢咁鍾意，因為小檬唔鍾意，不過妹妹基本上食得嘅都會係鍾意！

瞓
都係一樣，9：30準時入房，入房之前會好開心咁同我哋講bye bye
夜晚如果比小檬嘈醒會自己坐起身 （小檬夜媽媽嘈咩？遲啲講吓）
眼望望，然後我攪掂小檬之後就拍返佢，或者簡單拖住手仔已經瞓返。

說話能力 
有次叫佢去沖涼，佢同我"A ta"
我聽到耳仔則哂都唔知佢講咩，再講多次都唔知。。
突然小檬話"later"呀。。哈哈哈，
笑C我，估唔到小檬係佢嘅翻譯員。

有次又叫佢妹妹豬瞓教喇。。。
佢指住電視同我講 "睇埋呢個"
哇。。。笑到我呢。。諗唔到咁快已經好似大人咁講野。

有晚落街去超級市場，我哋著好哂鞋，
婆婆冇諗住去，仲食緊湯渣，我問婆婆去唔去呀？
 妹妹話，唔去喇。。食婆婆食飯。

每晚食完飯一陣就會同小檬做功課，我會叫婆婆同妹妹入去小檬房關門。
有晚我已經拎咗功課準備同小檬做，
佢見到就拖婆婆入房話關門。。"哥哥做課"（未識講哂功課）

婆婆同佢食野，婆婆會整細俾佢食，
佢見到會話大舊
（唔係話婆婆整得大舊，而係要大嘅果舊=_=''）

有日婆婆煮雞亦比佢食，食緊時話"婆婆, 你啲雞亦好好食呀"

一聽到話落街，唔理有冇佢份，都當有自己攞鞋，孭袋仔，
媽咪買咗咁多袋都只愛拎紅波叔叔嘅呢個minnie 袋仔放佢啲麵包超人。

妹妹冇小檬咁大方，有時喺sir滑梯，
見到另一小朋友會手指住小朋友，怒叫一聲，示意係佢sir嘅，
其他人唔準玩, 一見到呢個情況我又滴哂汗同佢解釋其他小朋友都可以玩
一齊玩先開心。。
大家著好鞋出街，佢未得會話"等埋妹妹"

同佢去買水果，問買提子好冇，平時好鍾意食，但果日見到龍眼會話要"眼眼"

之前做錯事一講sorry就負苦瓜乾咁喊，而家好啲喇
都知道唔啱要講sorry，不過有時都o爹o爹豬爸爸。

前排interview都係唔係好肯應老師，
經過呢兩個月不停講，而家見到老師或者姨姨都肯叫或者打招呼，
我哋當然會大肆讚好！