小學同學由美國帶仔仔回香港飲宴，與我們幾位同學仔尚有聯絡，
於是聖誕期間到我家聚聚。
其他同學仔未到，6歲的小朋友在外國生活，
來到我家的活躍情度真係唔見到都唔敢相信！
創意無限嘅lego，在他的手裡變成暴力工具，好地地砌好架飛機定火箭，
突然用另一舊lego大力撞擊下話爆炸
（我明現實生活都有可能發生。。。不過唔使喺我屋企咁暴力咁重現）
炸開嘅lego係喺我屋企嘅空中四圍飛起再跌落地下
（應該稱讚他對力學嘅認識？)
先唔計有冇教壞小檬，啲lego跌落嚟都飛落哂妹妹豬同我哋個頭。。
大舊跌落嚟都唔好話唔痛
跟住小檬自己砌飛機，佢又砌，砌完問佢媽媽邊架靚？
好明顯佢架靚啲，不過按自己嘅程度計，小檬架都唔差，
佢媽咪都好好話兩個都靚，
不過佢硬要話自己個靚好多，小檬果個點唔好點差。。。
我都明白唔係樣樣野都需要稱讚小檬，
不過亦唔使狠咁批評佢，
我當然冇出聲，都要比小檬知道呢個世界有啲咁嘅情況出現，
小檬亦冇咩理佢嘅批評，繼續自己玩，
亦有話自己架飛機都好靚吖。。咁上下。
跟住跳sofa，我相信每個小朋友都有，不過小檬同妹妹豬都未試過，
佢地一企喺到已經比我話，因為我覺得太危險。
其實我自己細個都有試過跳（好明顯婆婆冇我咁嚴）
不過只會喺自己屋企跳，去到人地屋企係絕對唔會夠膽。
相反呢位小朋友就不停跳，又由sofa跳到地吓添！
嚟到呢度我忍唔住出聲叫佢唔好跳，危險又唔想我兩個小朋友學哂！
撩鼻~ 妹妹豬之前都有試過撩，可能痕。
但妹妹豬講緊係兩歲人仔，而家已經唔會撩
而家你係6歲小朋友，我真係唔想你撩完就繼續玩我啲玩具咁唔衛生！
於是我有出聲，
其實佢媽咪睇唔睇到嘅呢？？
跟住都係下刪三百字嘅曳野。。。
到最後食雪糕，跌到周圍到係，唔緊要，我明白小朋友都會係咁，
不過當唔其中一個同學仔話地下好多朱古力脆皮跌哂，叫大家小心，
呢個時候佢媽咪話佢食到咁輪盡嘅時候，
佢C口話唔係佢跌嘅，發哂脾氣
問題係全屋得佢食緊。。。
最後本來假期已經夜咗我真心覺得呢位小朋友
同反斗奇兵裡面果個好曳炸巴師光年嘅小朋友一樣，
連個髮型都似埋！瞓嘅妹妹豬，
被媽媽話係時候瞓教，希望佢快啲走人。
呢次都係我第一次想自己啲客人快啲走！！
真係好衰
相信都嘅前無古人後來者
有時候都會諗遲啲小朋友大左會唔會好曳？？？
希望~希望~希望~希望
唔好好似佢咁就得!!!!
真係有d小朋友好活躍，真係要睇父母點教，適當既管教我覺得好合理。我都明白你，因為我有次朋友帶左個小朋友黎，個媽唔理個小朋友，掛住同我班朋友玩，我要幫手睇住佢係梳化跳上跳落，曳到嚇親我，個小朋友眼訓扭計，個阿媽都唔理，我真係一次都驚左呢種人。
回覆刪除我都唔係好明點解有啲媽咪會當冇事？定係慣咗？適當嘅自由比小朋友發揮玩嘅空間係要，做父母又要識幾時放，幾時鬆
刪除你呢個case真係好經典，我都試過類似經驗，仲要係燒腩仔初生時佢上來探我哋，用手指大大力篤燒腩仔個頭頂，我事後嚇到喊，之後佢媽都唔敢帶佢上來，但間中約出來佢都係專蝦我燒腩仔，例如搵嘢掟燒腩仔同出手打佢，不過我明白佢媽係有教，只係佢性格真係太活躍無辦法
回覆刪除初生BB更加要睇住呢啲小朋友！！ 如果佢媽咪有話佢，你心靈上都會好啲！
刪除嘩...好經典嘅一個小朋友呀, 佢爸爸媽媽唔會出聲話佢嘅咩, 如果我兩個囡喺人地屋企咁樣, 一定俾我鬧咗好耐, 仲以後都唔洗諗住可以去人地屋企玩添啵.
回覆刪除不過你放心啦, 小檬同妹妹豬咁乖, 大咗都一定唔會太曳嘅~
爸爸冇返香港，媽媽都有話佢，不過冇好嚴厲咁話，佢媽咪細個係好乖好乖讀書好叻嘅女仔，估唔到個仔同佢天同地（可能外國大又再free style）
刪除細路曳就無可厚非, 但6 歳咁大個仔都係咁就...............
回覆刪除檬媽你處理得好好, 俾我可能黑晒面喇 ;-p
我其實都唔係咁想話佢，不過我覺得小朋友起碼應該唔好咁，暴力同活躍係兩回事！
刪除呢個，可能真係文化上的差異。我在愉景灣見唔少「外國的活潑仔」。
回覆刪除外國既小朋友好多都係咁，好FREE，不過我都未能夠接受到可以去到客人屋企都咁「活潑」
回覆刪除我都好怕好曳嘅小朋友，最怕自己小朋友學左啲曳野!但如果自己小朋友去到人地屋企咁活躍，做媽媽嘅其實都幾尷尬
回覆刪除當個小朋友炸lego 0個時，佢媽咪有無話佢？
回覆刪除我覺得呢D 係家教問題，唔關係咪外國大0既問題。