7.26.2016

散學禮cookies前傳

當知道有散學禮,家長們都諗整啲咩食物比小朋友,
唔知咩嘅勇氣,我居然話整cookie!!

最鬼秘嘅係我唔識整架。。。

那裡來的勇氣?相信是媽咪嘅我,
幻想看到小檬滿心歡喜拎住媽咪整手做嘅cookies返學校,
應該係全世界最幸福嘅事!(太跨了吧!)

諗住想有小檬班別數字同英文字母,
諗住吸出嚟去焗應該唔難吖!
於是就膽粗粗話整喇。。。
到真係整唔到改整或者買第啲野都應該冇問題嘅!
做cookies最大嘅工具係焗爐,
其實我屋企係冇焗爐。。哈哈。
咁啱小檬舅母又識人買有得平,
於是就買咗個想買好耐嘅蒸焗爐。

星期五或者星期六買材料試整。。。
點知婆婆星期五哽骨,入咗醫院。。仲邊有時間心情整吖!!
於是諗住擱置,好在星期六中午婆婆已經可以出院,無咩大礙。
送咗婆婆返屋企休息同呀嫂lunch時候講開,
話佢個朋友近期開始研究蛋糕cookie,之前食過都好好食
話佢應該有時間幫我整。。其實我都想參與
講吓講吓呀嫂就邀請佢去婆婆屋企一齊整喇!

準備好晒材料工具~


開始


唔係太識嘅我之前已經係youtube到不停睇人點整,
不過到自己又好似另一回事!


雖然朋友整過,不過又末至於好叻好叻,
試吓試吓


自己都已經唔係好掂。。。仲有個小朋友攪攪震@@




喺兩個


失敗! 好難整呀。。。我諗我哋唔應該用咁細個英文字母嘅模,
呢啲應該係做糖霜嘅。cookie皮太軟,
字母根本整唔到出嚟!!

另外唔知點解果皮好軟,比我想像中難整,好在又買咗啲動物比小檬玩吓,
後來放棄整字母,整動物!!


又要快手,唔知點解咁快溶,又要雪返先整到!!
好氣餒呀!!
時間已經唔早,諗過放棄咖喇!

好在朋友話可以星期一再嚟同我整,於是放工又上婆婆屋企開工!
今日啲皮夠硬,容易啲喇。。。。


後面啲小朋友不停叫我。。但我進入冇人境界,
如果唔係我就冇功課交




有啲動物甩頭甩尾。。。得大象/雞仔/狗仔整得最靚
容易啲完隻整出嚟

焗出黎都好香呀!!!


型狀顏色上都叫成功吖!!


味道呢??等咀雕黃試食啦


小檬都即刻食咗三塊!


唔太甜。。入口鬆化!!! 

小檬都係做樣包裝吓,如果佢包,應該唔使第二日已經爛哂


貼上小檬班別!
完成~

動物啲仲見到啲樣嘅。。不過要留心啲睇

我自己都覺得好食,唔太甜,夠鬆,就係太鬆,
有啲已經爛咗
希望小朋友老師們都鍾意啦!!

第一做整,唔夠經驗,真係唔容易,
唔知係咪做錯啲步驟呢?
希望下次會更加成功啦!!

小檬K1散學禮

13 則留言:

  1. 第一次已經做得好好啦媽媽,你又開拓左另一範圍啦~ 太軟可能係整麵團時牛油軟過籠,通常整一次COOKIE都要雪幾次

    回覆刪除
    回覆
    1. 多謝木木媽大C教路,我真係盲中中。。我都覺得雪得唔夠!
      我呢範就最水皮。。不過心口有個勇字!!

      刪除
  2. 小檬媽勇氣可加...唔識整都整得咁靚,小朋友們一定好鐘意~
    下次整埋俾我地食,哈哈!!

    回覆刪除
    回覆
    1. 真係唔嚇C,都笑C。。我都佩服自己,未整過都夠膽話整。。。哈哈哈
      希望下次再整好啲啦,一take過

      刪除
  3. 媽媽真係好心機!

    回覆刪除
  4. 好靚呀,真係心機之作。

    回覆刪除
    回覆
    1. thanks!真係要比心機。。我啲心機就買少見少

      刪除
  5. baking 我覺得係難架,第一次整好好啦~

    回覆刪除
    回覆
    1. 唉。。你哋啲大C即刻知道
      以為容易只喺啲新手又唔識野嘅人以為!!

      有朋友一齊試吓試吓咋

      刪除
  6. 第一次整,仲有小朋友攪攪震,都整得好靚呀!一犀利呀!

    回覆刪除
    回覆
    1. 唔係啦。。初頭好多動物啲已經碎咗。。裂開
      後來果啲先好啲咋
      果兩個小朋友係呢啲非常時候有特別優待,睇卡通片,所以都係初時攪住我..haha

      刪除
  7. 雖然妳話唔識,但成品效果其實好靚呀!平時我都見妳同小檬一齊做好多勞作,我覺得勞作同煮食一樣,係好講天份同耐性,所以妳整嘅cookies一定唔會差啫!:)

    回覆刪除