11.10.2016

檬爸生日快樂

每年十月中自己生日之後都會好忙,
要預備萬勝節,又要預備爸爸生日。
今年萬勝節好遲先準備,所以爸爸生日就更加冇時間諗點慶祝。。。
請日假陪佢當禮物啦!

一早起身,自己梳洗好就準備攪啲小朋友!
爸爸沖完涼,就送蛋糕!

之前一路都冇時間訂蛋糕,行過商場扮去廁所先可以訂到個蛋糕!
 叫姐姐一早就出去攞,神不知鬼不覺咁返咗嚟
真係唔該晒!

未切蛋糕就不停偷食!!

再咁lam落去,真係唔使食~

準備喇~ 
吹蠟燭同切蛋糕都係重點混亂場面!
尤其多過一個小朋友出現!


掛住唱歌嘅妹妹豬
比哥哥吹咗支蠟燭扁晒咀!

小檬就醒目吹完即刻錫咗爸爸一啖!
妹妹仲扁咀中, 好在都冇爆喊

婆婆快手即整點返比佢吹
我即刻禁住小檬個咀! 
(其實我想等佢知道唔係次次都可以自己吹!
不過見爸爸生日費是整喊佢喇!)

真係冇咩時間買特別禮物!
行百貨公司買咗個旅行用牙刷比老公出trip用~wahaha


我哋生日必備嘅節目,接送小朋友返學

送完小朋友返學就二人世界喇!
呢個小食蝦片/龍蝦泡飯好好食呀!

浪漫嘅時光過得特別快!!
又返去接小朋友喇!

放學之後好快就到食飯時間,於是換好衫就去食飯嘅地方!!
唔係咁早食飯,之前嚟過呢到buffet,
記得有個小型遊樂場小小草地,可以玩一陣先食飯
run run run~ 

sir sir sir...

玩玩玩

影吓相先啦

一個難影,兩個簡直即刻想叫NT嚟幫手  
唔係小檬眨眼,妹妹豬就豬咀

  到哥哥叻叻時呀妹就整古做怪

哥哥唔望鏡,妹妹就伸晒脷

幾經艱苦先影到張似樣少少嘅合照 

全家幅又影得唔錯喎。。

真係可遇不可求  
       
一齊去嘅婆婆挑戰一吓難度
媽媽招先得(估吓係咩?)

玩完係時候食飯喇~
好耐之前已經想試。。不過full晒book唔到。
呢日weekday book檯都冇難度!

小小open kitchen,可以睇到烤鴨包/小籠包/刀削麵
啱晒,學校教緊食物

又有壽包可以order! 好味呀。。最緊要熱辣辣! 

得一樣手機先食 
糯米蒸排骨 !好好味呀!! 

呢間嘅北京填鴨同"香港"廳差不多,
啲皮都係做到脆皮,又入口即溶。
(皮都可以入口即溶?? 係!!! 之前未食過唔相信!)

三食嘅第二食係炒鴨鬆!
(不嬲麻麻地嘅我居然覺得好食!)
掃晒先記得影吓

outdoor 出面有個小型play area比小朋友玩,
兩個食完去玩之後,就好似唔記得左我哋其實係喺入面食緊飯!
呢到始終唔係旺區,平日又唔多人,完全可以包場!

食完回家途中小檬已經瞓咗,仲瞓到第二朝先起身沖涼!
(其實都係八點左右)

簡簡單單,一家人一齊玩吓食吓
就已經係最好嘅禮物!
老公生日快樂!!

p.s. 檬爸, 如果覺得今年唔夠特別,
可以喺呢到回味返之前嘅生日!!
哈哈哈


(原本再之前冇寫老公生日 =p )



9 則留言:

  1. 檬爸生日快樂。小朋友爭吹爉燭好攪笑(不過也是 expected 吧!)

    回覆刪除
    回覆
    1. 多謝!! 兩個就總有啲混亂搞笑場面出現!

      刪除
  2. 回覆
    1. tks! 真係撞手神,呢兩個越叫越走!!

      刪除
  3. 檬爸生日快樂!

    借問聲,响邊度訂個造型蛋糕?0黎緊1 月翻香港幫ET仔搞生日,要訂蛋糕...

    回覆刪除
    回覆
    1. 多謝呀!!你search 簡品堂Fresh Fresh! 都有幾間分店

      刪除
  4. 再睇番小朋友爭吹蠟燭,檬媽手快㩒住小檬啲相,真係再笑出黎(好正 ^^)
    檬爸檬媽真係好sweet,對方生日都花盡心思~

    回覆刪除
    回覆
    1. 妹妹掛住唱歌搞笑先吹唔到。。唔快手啲真係又第二次世界大戰!
      今年真係完全冇時間!咁啱行過見到先訂到蛋糕買到禮物咋!

      刪除
  5. 檬爸生日快樂﹗點都要講多次婆婆好醒目同快手﹗要畀好多個讚佢呀﹗

    回覆刪除