回到檬爸生日前

每年慶祝完自己生日之後就會到老公生日。

今年想特別啲，整個Party比佢開心吓～

裝飾：
多謝整相啲apps，自家製。

食物：
大部分都喺契媽媽自己整, 其他各人買啲

契媽媽整 :
 紅酒牛腩
雜菜雞卷
羊扒
鵝肝
鮮果盤
牛油青口
大蝦伊麵
蟹肉卷
自家燒肉

好勁好勁～

禮物：

今年好清晰好快已經諗好買咩禮物比佢，
既然小檬爸上年無啦啦買咗隻錶比我（雖然我唔好錶)
於是我都禮尚往來

早前到日本旅行嘅舅父睇過冇我想買嘅錶款（可能太舊），

於是就托朋友買。
最後同喺日本退稅後嘅價錢差不多, 平咗好多好多!!

朋友話兩個星期有貨，十月中落單，時間啱啱好，

有晚朋友好夜留言問
 "其實老工幾時生日..."

我以為佢攞唔切，攪到我心掛掛。

前兩晚已經約好攞錶，點知我朋友個朋友又臨時甩底，

自己走左嚟香港。。未攞到比我,擔心C我
終於一晚攞到比我到手，安落哂!!

蛋糕：

為咗配合手錶，於是整返個手錶蛋糕。

生日之前幾日檬爸都喺香港，我根本冇時間行開，

於是借陪伴娘試妝為名，行開左三個鐘去蛋糕師傅屋企整。

咁啱小檬學校家長日，請咗半天假，

見完家長就同老公講去試妝，老公一定會車我去，

好在都比我搵到喺蛋糕師傅屋企附近嘅新娘化妝，

叫佢放低我係喺廣場落車話會合朋友先去。

咁我就只係轉短程的士去蛋糕師傅屋企

（佢都有話不如車埋我去試妝，
不過我話果啲細商場仔佢唔識，

行去好快，耍走佢）

print定張圖，抄得似啲

咁短時間冇可能一手一腳，唯有師傅幫我整好蛋糕餅底先。

我去到就做裝嵌

首先包好保鮮紙


然後就放入中間, 搵啲蛋糕圍實佢


做錶皮，同啲字時分針。

最後掃銀油

整蛋糕期間老公時不時問幾時試完, 嚟接我

（佢公司喺附近。。。又要覆佢，又要整。。。

差不多6點佢仲叫我比地址佢嚟接我！！！)

我唯有出動小朋友。。同打比婆婆求救
叫婆婆話腳痛叫佢返去接小檬畫畫。

成功迫佢返咗屋企以為冇事，
小檬畫完畫，佢..佢居然話
帶埋兩位小朋友嚟搵我食飯！！！！！
(實在太癡纏=p)

好在後來我話就得，不如落樓吓食就算,
 唔好要婆婆走嚟走去=__=

超級忙亂嘅情況吓終於做好

完成作

整完蛋糕發覺個盒唔夠高。臨急智生，

比我諗到用衣夾浪起啲。。唔使壓扁個蛋糕。

成功將佢運去契媽媽屋企，備用。
(蛋糕好重, 拎到我c ！！)

即刻趕到扮試完妝食飯

好在都冇變型!!

好多謝我啲家人朋友幫忙合作～

為咗份禮物先搵野攪吓～

希望老公都開心啦～