秋天郊遊@小檬幼稚園郊野公園

小檬學校上星期好多活動。

星期二秋天郊遊

星期三costume party

星期五Birthday party

呢個星期真係玩到癲～

秋天郊遊可以穿自己運動服，帶一人份量小食，

一件與郊遊有關嘅物品

 睇返學校啲相，原來學校整左啲郊野公園嘅設施，

扮郊野公園。整埋個學校名 

 小檬學校郊野公園

仲有分類垃圾桶，公園標誌

老師順道教埋啲標誌意思

而家小檬一見到啲標誌就會話我哋知個標誌點解

見到佢哋玩傳波波（個波係小檬帶架）

有哂地墊扮野餐

小朋友有扮放風箏

Running kids~ 

不過呢次媽咪為佢安排嘅小食就出事喇。。

我哋以為一人份量嘅小食係全部group埋再share

(因為之前聖誕聯歡都係咁)

但原來唔係，係比小朋友自己一人份量的小食。

點解我哋知？？

 因為睇相片見小檬一個人食哂。。

同埋

放學返到屋企出左去剪頭髮，臨落車

嘔！！！！

爸爸話佢嘔哂啲提子乾出嚟

 應該係食得太多提子乾，一時間消化唔到

睇返學校張通知英文版本其實好清楚話給自己小朋友食用。。。

唉，係我哋唔好，我同爸爸都理所當然好似聖誕節果次咁，

下次會問清楚，睇清楚架喇!!