終於寫到介片最後階段!! 鼓掌!!!
小檬介左日片之後，我都唔係好心急佢可以介夜片。
夏天時候瞓晏都有試過介，
可能瞓晏教嘅時間唔長，都冇咩問題。
到夜晚，臨瞓前去多次WeeWee，起身片片都好多時係乾。
有時瞓到半夜佢要wee wee，
都會自己起身叫婆婆或者我哋同佢去。
於是有問過小檬仲使唔使要片片，
雖然佢會起身去WeeWee，不過可能都係驚，都話要。
我好尊重佢呢個決定，唔想比壓力佢。
到前一星期晚臨瞓著片片，佢突然間話唔使著片片喇，自己大個仔喇！
（唔知係咪啲同學仔自己傾計講開呢）
於是就比佢著條學習褲底底試吓，就算瀨，都有條褲仔索吓，
床單下亦有尿墊，唔用整濕床褥。
試咗一星期都冇濕，係有一日起身趕唔切行去廁所，
Wee濕咗啲係褲，我當然冇話佢，亦讚佢已經好叻！！
@3Y9M
我終於可以宣佈～ 小檬介片成功 !!!!
從此對尿片說 "不" !!
介片史重溫:
叻仔~~~~
回覆刪除我唔敢博呀, 雖然好多時夜片都係唔濕, 但小b自己都驚自己會失手, 所以佢自己都仲會要求夜晚著片架, 亦都好彩我地有同佢著咋, 呢排可能天氣涼左出少左汗, 加上瞓前又飲番一大枝奶, 結果幾日都濕.
如果係介呢段時間會好啲，一係就過咗冬天，因為遲啲冬天又凍，瀨濕咗都幾麻煩，又多衫要換
刪除小檬叻仔﹗
回覆刪除我仲掙扎緊除唔除片瞓呀，其實燒腩仔朝朝都乾片，佢亦包片包到朝朝都嘈pat pat痕，但佢成日急都死忍唔去，忍到要爆發時先衝入廁所，我好怕佢有意外呀
我之前都唔敢迫佢呀。。始終佢地瀨咗都會唔開心／知道醜，唔想之後要心理輔導。
刪除小檬都係條片片整到佢唔舒服痕先話唔著。小檬始終大少少，比多啲時間燒腩仔囉。。
小檬叻仔呀~ 晉仲未得呀~ 有時係車度訓左, 我地都好驚佢會瀨......
回覆刪除BTW, 我地都用尼飄架~
呢步唔可以心急！慢慢嚟！
刪除我覺得妮飄好好呀！
小檬叻叻~~~
回覆刪除大爺呢？有信心未？
刪除叻仔呀
回覆刪除最近蛇仔明都有啲進展.......但好頭痕係去街唔知點算, 當佢話想wee 時, 我完全乸手唔成勢, 街嗰啲厠所又高, 但樽仔佢又唔肯wee
請賜教呀
初頭介片喺街真係好頭痕。因為佢地實最後一秒先話你知。你就要用0.00001去搵廁所加同佢去。
刪除我嘅經驗就係，每逢見到廁所嘅時候都叫佢去。每個地點到達或者走又叫佢去。不過開始大有時都會話唔去唔去（可能真係冇）
有一次啱啱介咗冇耐，喺車到話急，唯有用樽。（不過我唔想比佢覺得有樽就得，因為會倚賴，不過冇辦法）
出面廁所太高，我有時會抱住佢去落廁所，但如果太高又好容易射濕，或者輕輕抱起佢，盡量唔掂到廁所（有難度）
有時我會用廁紙再墊吓條褲，總之都幾麻煩，所以都可以去落樽仔，再倒返落廁所清理。
如果佢唔肯去樽仔，試吓放啲紙喺入面，叫佢射吓啲紙那玩
叻仔呀，亞媽可以慳番D錢買化妝品 :P
回覆刪除慳左嘅錢又要比妹妹豬買化妝品呢
刪除