小檬K1家長日

@30/10

小檬K1第一個家長日。

老師之前已經派定紙仔比我哋諗定有咩問題~

我都諗咗好耐都唔知問咩好。。。

因為冇咩好特別嘅問題想問。

最後諗咗一條好簡單可以比老師發揮吓嘅問題~

小檬轉左英普班是否適應??

老師回應:

小檬好肯舉手答問題，普通話已經可以對答。

有時會嘗試簡單句子添

小檬好叻，唔會用用廣東話的字用喺普通話上面。

簡單啲講，都已經適應到

自理能力：

好，合格

數學：

數數，不錯，好有自信答問題。

中文認字：

老師問我有冇返屋企同佢溫習..um...其實真係冇咩。

我有貼佢佢地出嚟同佢玩，不過玩一次半次就冇玩。

其實我都好懶。

老師話咁佢認字好好, 靠上堂認字都認得哂啲字。

社交：

與小朋友相處融洽，主動結交新朋友交談。

整體：

上堂好專心，努力回答問題。

老師話諗唔到有咩佢需要改善嘅地方，

所以唔知道寫咩同我哋講=D

而我哋比英文老師問題~ 

小檬嘅英文學習進展如何??

英文老師答案~ 

Excellent!! 

(心裡暗暗大叫, 激動中=p)

老師問我哋有冇比佢上啲咩course？

(答案係冇,除左今年學校自己嘅英文興趣班)

因為佢話小檬同N班嘅情況轉變好大，

因為N班冇咩舉手答問題，而家就變得好主動，

經常舉手回答問題，

好想比老師知道佢識答

（我記得第一日N班

我發現佢肯舉手我都好驚訝！）

英文嘅發音好準，好清楚

尤其改到F音之後，更加好

社交技巧

好鍾意同小朋友一齊玩。啲小朋友都好鍾意同佢玩

老師亦觀察到佢，如果有時自己想曳，

比老師見到，佢就會好緊張，好驚，立即收手。

佢好唔想比老師知道佢曳，

因為咁細個，有啲小朋友唔理老師，會繼續。

但佢想乖返, 證明佢都想自己做個Good Boy

家長日冇老師嘅投訴已經好好，

而家仲要兩個老師都讚~ 

小檬 I'm so proud of you! 

Keep going ~