11.26.2015

Blog Blog BB @ 假日農場

上星期日小檬同妹妹豬同啲小朋友一齊去咗假日農場玩!
因為要團體先可以去玩,多謝晉媽成為團長,幫我們安排好哂!
@80

秋高氣爽,應該要改口,而家嘅秋天真係仲係好熱吓。
我哋遲左少少出門口,好在都好順利搵到呢個假日農場。

我哋嘅到達時間就係妹妹豬食同午睡時間,喺車唔耐煩。
落左車已經樹熊上身,爸爸泊車,姐姐拎住一袋二袋,
好在撞到小寶媽幫我拖住小檬,又好在小檬逢人跟!

等爸爸之際,小檬玩吓吊床先

多謝小寶媽幫我哋噴蚊怕水,抱住隻樹熊妹妹媽媽我咩都做唔到,
一袋二袋嘅我哋要先安頓好啲袋,
又片片又衫仔,又零食,又粉粉(已經冇帶奶喇)
湊個多細嘅啲物品真係多好多。


小檬就喺呢到拉吓車

應該係被拉


爸爸都順便減吓肥



燒腩仔可能驚叔叔手車,自己扶到實


換咗個拉車靚仔


姐姐先同妹妹食完粉粉,飽飽豬就開心返。

大合照


波哥食藍莓,妹妹豬出名唔執輸嘅,眼甘甘望住,

最後梗係仲由波哥親自己餵粒大嘅添!

so sweet~ 

氹氹轉




之後就去咗餵兔仔

呢期唔識咩事,成日叉腰

成班小朋友好似釣魚咁

大爺咬住個包!

餵兔仔好似釣魚咁

又叉

小檬都成功將食物放到兔仔口到


大爺:等本大爺示範啦!!

妹妹豬就唔係好敢餵

一見到兔仔食,就走開添

呢個小朋友就繼續餵,今次買左個竹殲吉蘿蔔
($20一舊,好貴!)

搣咗一舊仔比妹妹,又肯餵喎

專心嘅男士真係好吸收, 姨姨忍唔住要影低佢地

兩兄妹唯一合照

之後就餵山羊

山羊位置好多蚊


我都好驚啲小朋友被餵蚊。

快快手就餵完走
呢班山羊比較兇猛。。我都有啲驚

之後啲刺激嘅sir遊戲就開始 (1:00~3:00)


我同小檬食左半個麵包,小小水果之後就去玩。
妹妹豬個樣已經極度瞓。姐姐喺樹蔭吓終於將佢搖暈。
又要同姐姐返去有蓋嘅地方等妹妹豬瞓。

排咗15分鐘左右
 終於到喇。。。水桶滑梯


多謝晉媽幫我影呢張相


放大小檬個表情嚟睇,應該有啲驚


佢玩完話話好驚 不過又好好玩喎。


到呢個飛氈喇~媽媽同佢玩


好玩呀。。。飛咁快就落到黎

爸爸抱住玩





排隊玩空中韆鞦


小檬先飛,
我同大爺就喺後面等。



我哋join咗個一拍一攝套餐,由小檬爸同K姨姨主理

小檬好鍾意玩個樹屋




初頭要我哋陪住sir,仲話好驚添


之後已經話要自己爬上去sir,
玩咗我諗有20幾次


水桶馬都好好玩



農場都有BBQ area大人BBQ,小朋友去玩。。不過要等佢地大個啲先

之前喺PH玩,請融融食左檸檬嘅小檬,
同佢玩氹氹轉嘅時間,終於氹返佢喇!

唔知講左啲咩,融融笑到掩哂咀

笑得幾開心!

是日冇咩機會影相,唯又捉住燒腩仔自拍。。
笑~ 


嬲~
點解你兩個都係笑嘅?

歡樂嘅時光走得特別快,又係時候同啲小朋友講再見!

再一次多謝晉媽嘅安排
同咁多位小朋友同EE叔叔
小檬&妹妹豬玩~

3 則留言:

  1. 係喎, 我都留意到小檬o個日真係成日叉住腰架..wakakaka..

    回覆刪除
  2. 哈哈...我要多謝你幫我湊咗陣仔,我老公嗰日畀佢玩到謝咗咁滯

    回覆刪除
  3. 小檬都係成日叉住腰喎~ 哈哈~ 好有型~

    回覆刪除