小檬返咗K1大約一個月，由於都係同一間學校
所以都唔使點適應，只係要適應下午班時間。
而家放學返嚟婆婆比少少野食吓就nap time，
跟住一個鐘咁上吓就會起身食晚飯。
夜晚會大約十點幾瞓，瞓到第二朝九點幾十點。
普通話方面，照顧周到嘅學校由要用嘅物品開始教, 已經識點講
已經明白老師嘅指示，同學仔啲名都已經記得到。
上學期佢如果聽懂哂已經好好
功課方面，冇咩增加，都係一星期一樣，
英文油顏色同搜集圖片貼。
唯一唔同就係會係課堂上自己做普通話同英文功課，
冇家長幫, 有冇做錯即時見真彰～
so far 返黎見到都係啱嘅
升上K1，開始有show and tell
由知道開始都而家大大話話都練習咗成"三 /四" 次。哈哈
因為每次叫練習呢。。都話一陣先，或者冇理正經
我後來都採取放棄態度，有老師同學在場，
如果唔識或者講得唔好
都要比佢自己感受吓，等佢第日主動練習。
今日學校生日會咁啱輪到小檬
今朝返工之前同佢練習最後一次
學校只會影相片返嚟，唔知佢講得好唔好呢？？
不過好唔好都係其次
肯踏出第一步對住成班同學仔講已經係好好嘅經驗!!
加油呀～
"普通話方面，照顧周到嘅學校由要用嘅物品開始教, 已經識點講 已經明白老師嘅指示，同學仔啲名都已經記得到。" <--- 小濛好叻叻呀, 我囡返咗 K1 都成 3 星期, 仲未講到同學仔嘅名比我聽, 次次問親佢今日學咗咩，講得最多嘅係 "Good afternoon teacher Good afternoon classmate Goodbye Teacher Goodbye Classmate See you tomorrow" 真係比佢激 c 我，我都好期待我囡有日好似小濛咁叻, 講到學校嘅比我知, 同埋講得咁流利~
回覆刪除學校教我哋唔好問佢地做咗咩，學咗咩，因為小朋友唔識講係好正常嘅。
刪除好似我哋學校有網站一齊睇返啲相，再問吓佢地就可以知道佢地做咩。如果冇，就多啲同佢地傾計，慢慢佢地講吓講吓就會講到喺學校做咗咩架喇
作者已經移除這則留言。
刪除
刪除Sharon18.9.15
我哋間學校有影相, 但無放上網呀, 要到一個學期完結先派本"我的成長冊"比家長睇, 到時先問, 阿囡都唔記得晒了~
我都有同阿囡傾計呀, 佢多數話到比我知當日食乜茶點, 同埋上面講果幾句英文咁 lor, ha ha....
搭咀，我多數都係問埋D無聊嘢，例如今日有無人賴尿，有無人喊或者唔乖，老師有無讚你，下午茶食咗咩，同同學玩咗咩玩具，老師著咗咩色衫咁，我經驗係問佢學咗咩十問九唔答或hea答，但無謂嘢佢哋答得快而準，然後先慢慢滲D正經嘢，例如學咗咩歌叫佢唱來聽，或者上堂有無老師問咗佢咩問題咁，之後講吓講吓再加媽媽group D口供夾埋，就知佢喺學校搞過咩㗎啦
刪除係呀。。其實唔使好刻意問。老師話好似問我哋返工做左啲咩，我哋都唔識點答啦。。。哈哈，傾吓傾吓就知多啲架喇
刪除好，等我試下你哋講嘅方法先，多謝兩位媽媽嘅分享~
刪除講得好好呀~ 檬檬好有語言天份, 叻仔
回覆刪除多謝檬媽分享話 --學校教我哋唔好問佢地做咗咩，學咗咩，因為小朋友唔識講係好正常嘅
因為蛇仔明返學到依家, 問親佢學校學咗乜佢都唔睬我, 搞到我沮喪又唔知佢係咪吸收唔到, 聽見你分享我試吓換吓個方式同佢套吓料先
蛇仔明仲要係N班更加，小檬果時都未係好講到架。。比啲時間佢地啦～
刪除有時我都放手，諗人生流流，我都唔可能佢咩野都知道，總之佢開心快樂就得
小檬好叻仔，單計有勇氣行出來對住全班同學，未開聲已經好勁，開埋聲講得咁好實在係無得輸
回覆刪除呢個喺屋企嘅練習版本冇同學冇老師就好似好勁，都講到哂要講嘅野。返到學校係點就唔知喇！
刪除