小檬中秋綵燈會@K1

一年一度的中秋節又來臨～

小檬學校今天舉行綵燈會，一如以往，

都係可以穿著便服或者中國服返學。

小檬之前買落嘅中國服已經唔啱著～

（yeah～ 有高到呀～）

所以媽咪我都周圍物色，慳時間，

當然上偉大嘅淘寶啦～

不過搵極都唔啱，

晚晚碌得一陣又眼瞓ZzzZzz

 終於淘咗呢件

哇，收到之後，發覺好浮誇呀～ 

隻色太鮮喇～同圖片有差別，不過影相啲色係會dull啲。

其實隻色真係好醒神，不過件衫對小檬黎講又好似太大件，

呢日試又懶，冇著返條長褲

條龍好似太勁～

個樣咁得戚, 有啲似果啲拿督。。哈哈哈哈

小檬爸爸話都OK啦。。。但小檬媽心就想搵過件！

終於比我搵到呢件～ 

有請。。功夫小檬

其實一套有埋褲, 不過成套大over喇，

都係襯吓牛仔褲好啲

今朝返工之前同佢落去影張相，

跟住就同婆婆去食Brunch。

扮下送佢返學先～

仲要拎住個大過自己嘅燈籠返去。

我話會唔會大得滯呀？？

佢話Elza喺校車可以自己坐一個位喎。。。