Beach photo @NT ~ 預告篇

03/09多左一日假期，冇咩特別節目，

都係諗住到時睇心情睇天氣先算，

點知之前一日NT哥哥話呢日冇job，

於是我可以攝位喇！

不過完全冇準備~啲衫仲要諗吓襯吓。

我地三個都可以話有啲襯到。。檬爸就同我地完全唔襯。

於是上午就出去買，
好在HM呢啲大路舖永遠有啲要需要搵嘅item喺到。

小檬食完晏就喺車到瞓咗，唯有我同NT／妹妹同姐姐行先。

呢個灘喺黃金海岸附近,雖然冇黃金海岸咁多人

不過始終喺假期，影相實影到人

NT揭力不捨去尋找新天地，佢一返嚟同我講，

另一邊風光如畫，完全冇人。

不過就要澗水穿過兩舊大石中間過。

地下同石邊全部壕觳
再跨過條啲浮波。。。

NT: 趁檬爸未嚟快啲行咗過去先。。
wakaka 佢真係了解我地兩個, 我係會陪佢癲果個

講到咁危險梗係叫佢行一次先啦。。哈哈

返嚟報告都冇穿冇爛，於是就到我試喇

雖然係難行啲，不過行穩每一步先再行都算OK安全嘅。

於是我就先行。。。到兩邊交界點企穩，

NT抱住妹妹交比我，到佢再行去另一邊我再交比，

就係咁好似玩遊戲咁, 終於將妹妹豬安全運到另一邊!!
係我比啲觳界損咗少少啫

呢邊完全冇人

不過其實呢邊沙嘅質素麻麻，好多貝殼，
有啲爛咗會吉腳，有啲位仲有玻璃添，
所以我地影嘅時候都搵定啲安全位置先可以赤腳行。
好處就唔會影到人

我地就係喺右邊灘穿過到呢邊。

全程冇手影相。臨走先記得影呢張

咁辛苦先行到去，究竟啲相會喺點呢？？ 

窩心嘅攝影師永遠知道媽媽們係心急人嚟

即晚就比咗一張相我地～ 

想睇其他靚相要等等喇～