11.13.2013

買。唔買。買

第一胎照完結構知道性別之後媽媽們通常就去血拼!

但我呢...有天使嘅心,又想跟魔鬼嘅行動

(天使) 要盡量著返哥哥啲衫 
(魔鬼) 真係做到? 
(天使) 梗係得啦,BB夾衣打底果啲咪著返啦,冇問題吖。。。 
(魔鬼) 你贏,咁面衫呢??有人探佢出吓街,都著粉藍色呀?? 哥哥好多都係粉藍色果喎。 
(天使) 面衫咪買幾件囉,之後買返啲女仔口水肩咪得囉。 
(魔鬼) 真係?啲女仔衫真係好靚果喎。。。你之前行街成日都睇吓架
 (天使) 係。。睇吓咪得囉。。唔係唔買,唔好買咁多,要慳啲使喇!
 (魔鬼) 妹妹著住啲女仔衫實好得意架。。。。 

 以上對話不停咁出現。。。

魔鬼天使不停咁講。。。我要理智啲。。。但又敵不過現實!! 如果係第一個就有藉口買,第二個如果唔執呀哥啲衫,又唔得。好啦。。。見到真係啱就買一兩件啦(唔好睇少女人嘅一兩件,因為通常最後唔係一兩件) 

某大牌大減價,先買針織外套,我好鍾意BB著呢d外套仔!

再買咗條裙仔!


其他各物品都應該可以用返,不過啲奶樽就應該要買過,因為已經好似好舊,又唔係貴,如果買返TT就可以用返啲3號咀,但係個消毒器就壞咗。連埋婆婆屋企前後壞咗兩個。真係唔應該再買呢個牌子,大家用緊嘅又有咩推薦呢? 

除咗呢個,真係好似冇野要買。。。


52 則留言:

  1. 先聲明我係魔鬼派:-
    點可以唔買架, 真係忍唔到手架!!! 最多SALE先買囉!!!

    回覆刪除
    回覆
    1. 係囉。。sale先買咪得囉!真有見地!!

      其實我表面係天使派,但暗kan係魔鬼派,一個人shopping時就會發作(老公喺到梗係買得冇咁爽,雖然佢唔會話)


      刪除
  2. 咁女仔竹衫又真係靚啲嘅(魔鬼EE) XD
    我個消毒器係AVENT,又幾好用,妹豬出世用到依家都未壞,你可以考慮吓

    回覆刪除
    回覆
    1. 天下魔鬼何其多!! hohoho...
      我都諗緊買avent~

      刪除
  3. 哈哈,好叻呀,忍到手,BB 囡D 衫真係超可愛,買啦、買啦,等B 囡打扮到成個公主仔咁,一定好可愛啦 >3<

    回覆刪除
    回覆
    1. 好啦。。。我好聽大家話架。。。哈哈哈

      刪除
  4. 你真係好勁...忍到!!
    我依家都仲係見到B女衫就忍唔住猛話靚, 想象唔到生女會點... XD

    回覆刪除
    回覆
    1. 我忍到??未正式行街就買左兩件喇。。。你要快啲action喇,等你好消息

      刪除
  5. 咁都忍到?!?!?!?!
    我支持魔鬼~hahah

    回覆刪除
    回覆
    1. 萬勝節過咗都咁多魔鬼架。。。
      好啦,唔買即係離群,我都係隨和啲去買好喇 wakaka....

      刪除
  6. 我用nuk, 真係10個gd.

    回覆刪除
    回覆
    1. 等我研究吓先。多謝你嘅意見!!

      刪除
    2. 我都係用nuk, 清潔好容易, aeon阿姐推介

      刪除
  7. 魔鬼黎啦~梗係要買啦~ 最多有特價先買law~
    我如果下次生女, 我真係會癲左咁買~HAHA

    回覆刪除
    回覆
    1. 又一隻魔鬼,喺blog咁多人支持做魔鬼,買嘅時候心情都舒暢啲!!

      咁你準備好未呀??

      刪除
  8. 我想講你一定唔會忍得住手囉, 因為女仔衫真係好靚好得意架!
    好彩今次我呢個係妹妹, 可以著番家姐個d...我就真係慳唔少喇, 咔咔~
    消毒器我用緊dr. brown同nuk..但我自己就鐘意dr. brown多d.

    回覆刪除
    回覆
    1. 兩姊妹一齊著仲多個藉口買多啲呀。。。haha
      好,等我睇吓先,tks

      刪除
    2. 咁又係..到時無理由買俾大又唔買俾細, 應該都係會破產, 哈哈~

      刪除
  9. 如果係我 我忍唔到架~~~BB女衫真係又靚又得意啊.....

    回覆刪除
    回覆
    1. 大爺媽,你係第九隻魔鬼。。。。 wakaka

      刪除
  10. 女仔衫真係靚好多... 唔好忍喇.... >.<

    回覆刪除
    回覆
    1. 咁多人支持,真係唔買唔得啦

      刪除
  11. 專家話, 俾唔啱gender 嘅衫bb 著會影響佢發展架, 唔好忍喇 (我係魔鬼派 ;-p)

    回覆刪除
    回覆
    1. 我講緊好BB果啲初生衫仔。。當然唔係大個仔啲果啲啦
      不過有呢個point 我可以買得理直氣壯啲

      刪除
  12. 我用緊avnet 我覺得幾好, 生女我唔信你可以忍手, wahaha

    回覆刪除
    回覆
    1. 你見我小檬係男仔都咁。。其實就知我好難做天使。。不過希望盡量唔好咁瘋狂。。而家兩個真係要慳啲架喇。。(我真係不停咁提自己)

      刪除
  13. 我估avent算襟用掛?
    女仔好難好難唔買靚衫ga, 點都要買d滿足吓自己, 在家裡都成日要影相ga ma, 都要靚靚~ (我係魔鬼派~ 嘿嘿)

    回覆刪除
    回覆
    1. 小檬果時都諗住用avent 但係喺啲百貨公司BB展老公見到TT又好平,就忍唔住買咗TT,早之我堅持啦。。。今次應該會試吓avent

      其實個個都唔想咁理智做天使..wakaka

      刪除
  14. 我話我係天使你都唔信啦…不過我都好乖,唔減價唔買,有時百幾二百蚊件衫仔我都嫌貴唔買~

    回覆刪除
    回覆
    1. 你第一個係女仔大把藉口啦。。。快啲買多啲啦。。我第一個都大把point 買,第二個就要扮吓乖喇。。

      刪除
  15. 我係第二隻魔鬼,哥哥d衫太男仔的,比人啦!妹妹要買番多d女仔款啊!
    我屋企個消毒器係同学比的,佢個仔都有4歲啦,等我回家睇下係什么牌子先!
    你坏了果兩個係咩牌子呀?

    回覆刪除
    回覆
    1. 原來上面有咁多隻鬼,我係N隻才对,haha...

      刪除
    2. 我之前用Tomme tippe呀。。等我留意吓先,tks
      係呀。。週街都係魔鬼 ..haha

      刪除
  16. 生女無可能唔買wor....
    如果我第二個係女就可以買少啲~~但係又可能走去買啲姊妹裝俾佢哋~
    如果係仔,或者可以用小豆啲衫同小檬交換俾兩個小B著~~hahaha

    回覆刪除
    回覆

    1. 係喎。。姊妹裝都好可愛,咁講即係仔女都係要使錢啦。。哈哈

      刪除
  17. Btw I also want to buy the first cardigan for siu dau too~~ haha

    回覆刪除
    回覆

    1. 呢件外套仔真係好靚。。。快啲去買啦

      刪除
  18. 女仔衫係靚好多好多,看來你多數失手啦......

    回覆刪除
    回覆
    1. 係呀。。。真係靚到暈,我好驚我啲彈藥買哂佢啲野呀

      刪除
  19. 買啦買啦﹗無可能忍到手唔買㗎﹗Bbe著咗一定好得意﹗(魔鬼化身...wakaka)
    我用avent,so far用咗年幾都仲好OK喎﹗

    回覆刪除
    回覆
    1. 哈哈我已經入咗魔道喇。。。
      果日睇過nuk 比較細,我諗我都會買avent

      刪除
  20. 生左更加會買多D呀!件針織好靚呀

    回覆刪除
    回覆
    1. 我都相信之後仲大穫。。。

      刪除
  21. 女仔衫仲靚啲可愛啲,好難唔買架喎,你放心啦有大把魔鬼支持你架 XD
    之前有人介紹online買美國牌子Next啲衫,價錢都OK架,你都可以去望下(先此聲明,online shopping分分鐘破產XD)

    回覆刪除
    回覆
    1. 我之前已經買過,睇你呢個留言之前,我已經敗咗啲喇

      刪除
  22. 冇可能忍到唔買女仔衫架,嗚嗚…

    回覆刪除
    回覆
    1. 睇嚟已經好多因此而變魔鬼..wakaka

      刪除
  23. 我係魔鬼EE,買多D啦,哈哈哈哈哈!!!!!!
    女仔又點可以著男仔衫呢,何況可能係你唯一一次可以幫佢打扮,到大左又吾比你架啦,咁應該買多D靚衫比妹妹,嘻嘻嘻! 你好快好似我咁破產架啦! :D

    回覆刪除
    回覆
    1. 女仔又點可以著男仔衫呢<==i mean BB果啲夾衣啫
      到大左又吾比你架啦<==好有道理!所以我會聽你講 wakaka

      刪除
  24. 女仔又點可以著男仔衫呢<==i mean BB果啲夾衣啫
    到大左又吾比你架啦<==好有道理!所以我會聽你講 wakaka

    回覆刪除
  25. 哇~~恭喜你~囡仔好難真係好難唔買~~我成日都話唔買唔買~見到就好想買最後買左~><

    回覆刪除