B be @ 7 Months

B be 7個月喇!!


食

已經食緊粥仔喇。一日兩餐，好鍾意食。食完好快又食奶，

有時驚佢飽得滯,不過佢飽就識自己停，你夾佢食都唔肯，

茶點時間食吓生果，香蕉，提子。

瞓

唉。。又唔係話好差，不過唔係咁好咁囉（好矛盾）

每晚十點幾食完最後一支奶就瞓，有時唔夠一個鐘就醒之後就喊搵我，

好在都好快就拍得返佢瞓。之後又瞓過，又可能過一兩個鐘又嚟過。

如是者，我就不停咁瞓吓起身，瞓吓起身

（之前爸爸喺到都可以爸爸頂吓，呢個月凈係可以係我抱先得）

通常下半晚會瞓得好啲，到第二朝大約八九點起身。

活動能力

5個半月就爬嘅B be 而家爬得好快，周圍捐，

小檬哥哥見佢係到自己避開或者檻過。唔鍾意係網床，

一放入去得自己一個就喊，比哂啲玩具佢都唔得，

喺地墊都係，自己啲玩具又唔玩，要玩哥哥果啲，

小檬哥哥都會同佢講話no~  this is gor gor !! 

抱住佢咩都要攞，如果攞唔到就發脾氣

（小檬果時都唔會，好明顯脾氣比哥哥差）

唔鍾意坐carseat，十次有八次都喊，

跟本冇可能淨係爸爸帶佢去出去。（又係哥哥叻啲喇）

開始學講野，心情好會自己唱歌練聲。

叫得好大聲，小檬哥哥果時係冇叫過嘅。

出完玫瑰疹之後可能比哥哥傳染咗咳同有鼻涕，

結果又要睇醫生，果然第二容易病啲。

同事EE送嘅舊衫仔，一啲都唔舊，唔著又唔啱喇


Di Di das tracksuit


豬豬島特價＄30衫仔，著住去賞月就最啱喇～


中秋節到樓下花燈會


一個BB有3個燈籠係好正常嘅


食粥仔喇。。




蓮蓮EE買比哥哥嘅鞋仔，好快功功成身退喇～


對手擺埋一便會elegant啲


肥咗啲，係時候Keep keep喇！


同哥哥落會所玩。


呀大佬，咩事要拎起我隻腳呢？


雖然發燒，都要有少女嘅含蓄微笑


爸爸同事送嘅Carter 辦，唔出街都要著吓～

陪舅父地試禮服，坐得好四正呀！ 

  

1st Hair Cut 

姐姐話要認痛剪齊啲陰再留先靚。。wahaha

好似唔太滿意喎 

好鍾意唱歌～吖～吖～吖～吖～吖～

  

媽咪同哥哥

My Happy Family~