畫畫

小檬歲幾就買咗個IKEA畫架比佢自由發揮。

出去食飯又比本簿仔佢畫吓畫吓，

有時就叫我地畫返轉頭佢睇，

可能睇得多爸爸畫圓圈加一點, 佢自己已經識畫圓圈

都有買啲顏色簿佢畫吓，都可以大致上畫想油嘅範圍




當會有好多出界，不過都叫對準目標畫。


韓國蠟筆好順，好容易油！


呢次嘅目標係好細格，佢居然畫到！

成長真係不經不覺的。  

既然係咁都可以比佢試吓接觸多啲美術，
畫吓畫，走咗去屋企對面啲鋪仔試吓堂。

一個鐘頭咗右，家長唔使喺裡面，喺出面等

唔怪之學野嘅附近總有啲整手甲，按摩之類嘅鋪仔


好認真

不過小檬仲係細唔會行開，我帶完佢去就走咗

（好緊要因為係去蜥蝪b 兩折private sale =D）

所以由爸爸企喺出面冇冷氣嘅走廊到等....

  

完成作

當然有導師姐姐幫吓手

今星期喺屋企, 自己打開學校啲書跟住畫，
佢畫完先話我知。

有身體，有兩隻眼睛，有咀巴！
齊哂～

小檬大作： 薯仔先生！

跟住再試埋另一間，可能會比佢星期六試吓學畫畫

唔期望啲咩，只希望佢開開心心畫吓畫！