12.23.2014

小檬& B be第一次B6之旅

小檬婆婆喺廣州同佢鄉下都有啲親戚,
今次娶新抱,都要返去請人飲,食吓飯咁。
小檬舅父問埋我地去唔去,佢有朋友做開呢啲大陸香港接送服務
如果去就安排直接車我地上去。
咁方便嘅車程當然貴過全部搭直通車,
不過對於有小朋友BB嚟講就超越方便!
淨係啲行李可以點對點唔使拎就已經無敵啦
見咁佢咁有誠意,
方便又咁多人幫手湊吓啲仔女,
就開始小檬B be嘅第一次B6之旅!

朝早差不多11點就出發,姐姐證件問題冇跟我地去喇,
臨走姐姐叫B be要乖聽話唔好喊呀! 
架車嚟到樓下堂接我地

出發喇!!

小檬同婆婆舅母坐(要讚吓小檬好快改到口叫舅母)
我就孭住B be,我地嘅檬爸就梗要睇佢最緊要嘅報紙啦!
(記得我生B be佢都要買埋報紙先嚟醫院嗎?)

長途車,舅父都叫我地帶定啲碟比小檬睇,
let it go咗半個鐘到就已經到深圳灣過關喇,
唔使落車檢查證件之後就到咗大陸,
再let it go咗一半,搖吓搖吓小檬亦瞓咗,
B be食飽飽亦瞓咗。。。

我諗由屋企開車大約三個鐘到就到廣州嘅酒店,
如果唔係有少少塞,應該唔使三個鐘,
不過塞車亦係廣州嘅特式,冇可能避免。
雖然三個鐘車程,不過兩個都乖乖瞓咗大半時間冇扭計,都好容易過

親戚住開幫我地book嘅唔知幾多星酒店,
check in用咗差不多半個鐘先得,都唔知點解可以咁耐,

終於上到房

梗係碌吓床先啦!!!!!!!


間酒店冇咩特別,係有啲舊,
啲燈唔係好著
(著吓唔著吓果隻,有啲氣氛)
廁所水好難沖,
有啲天拿水味!
(好在夜晚返嚟就冇哂)
不過三百幾蚊想點,是是但但住一晚啦!

放低啲行李就落樓吓酒店中菜飲茶食啲野,小檬喺車已經食咗啲麵包,

不過去到仲食到呢個叉燒包,


真係幾好食嘅
啲蝦餃都唔錯,同酒店房嘅水準差好遠

然後出去行吓兼去擺酒果到(其實只係食吓飯)
好難截的士,於是諗住搭地鐵去,行吓行吓又截到喇。

去到喇

應吓景,踎吓先

見到大商場就入去睇吓玩具先!
竟然見到巧虎

舅父母買咗聖誕禮物比佢,
行咗一陣sir吓滑梯(玩具部)
就夠鐘去食飯!

到咗食飯果度,之前我地自己結婚都冇返去,
今次當埋係我地喇
抱住兩個擺酒又幾特別喎

婚前一兩年都有返吓去,我諗都有5-6年前,今次見我已經一仔一女。
咁多年冇見嘅親戚有啲由細睇到我大,而家我有仔有女梗係想等佢地見吓,
B be冇問題啦,抱住佢就得,
但呀小檬先生呢,開始有性格,突然唔鍾意social,
我諗同眼瞓有關,唔係好願意叫人,
不突止,仲爆喊
(好多時爆喊都係同完老公對話,不過當時人話冇整喊佢喎,
其實有時都要睇你點handle件事嘅)

冇啦啦喊,爸爸已經的佢出去教訓,
過咗一陣返到嚟又喊過。
今次到我喇,一論大戰之後終於攪掂,

返到入去玩吓Iron Man就冇事
(做玩具嘅叔叔有嚟,梗有帶啲玩具比佢啦!)

爸爸叫咗杯"鮮榨橙汁"比小檬,轉頭嚟咗呢杯!
"杏仁茶"

有位識普通話妹妹證明老公啲普通話冇錯,
只係侍應聽錯嗟。
佢話侍應自己up up話杏仁茶比佢聽到(咁點解唔出聲嘅?)

終於有得飲

有波波玩就開心哂!

B be都玩吓先

其實仲有啲小朋友,兩個妹妹姐姐都好乖,
另一個仔仔大約五歲,應該係典型嘅大陸曳童,推開小檬果種,
所以都唔想小檬同佢玩!



食完飯,廣州嘅表姐話同我地去威,揼吓骨呀,按摩呀。。
我其實都好想,不過稱住兩個又點可可以行開吖???

終於喺附近啲商場行吓食吓甜品糖水就算。

好有日本街頭feel

行過見到呢部自動搾汁機

舅父同爸爸梗係玩吓啦


成品
爸爸同婆婆話有溝水嘅
算啦。都係至在睇佢嘅過程

上去之前check天氣話夜晚得4度!!
點知都唔係好凍!
喺室內小檬帶咗個neck warmer仲有啲熱甜

小檬發揮佢嘅小宇宙,繼續喺玩具部大戰,
結果呀表姨媽買咗lego比佢!

回程又係要爭的士,仲要係加20-30蚊呀表E ma先爭到比我地

睇到我上面講呢間酒店
都唔會諗住有bb 床可以安排比B be瞓,有都唔會用,
於是我同爸爸就夾住
B be 瞓,小檬就同婆婆瞓

兩隻豬都好快瞓著
待續。。。

6 則留言:

  1. 個义燒包好正, 人哋話北上飲茶正過香港, 原來係真, 八掛一問, 咁貴唔貴?
    我已經好耐冇北上, 估唔到依家咁靚, 你影街頭嗰張真係好似喺日本
    直接揸車上去真係方便好多, 檬爸睇報紙仲好有高幹feel 添, haha

    回覆刪除
    回覆
    1. 雖然係酒店,但唔係高級果隻,所以6個人都係飲咗二百幾!其實廣州好似做點心出名嘅!
      檬爸最緊要係份報紙,你唔記得我生妹妹果時都要買份報紙先嚟搵我咩? (呢件事應該講一世,哈哈)
      有直接車真係超級方便,有老人家同小朋友真係好需要

      刪除
  2. 有車直接上去好好喎, 如果要自己逼車同逼過關, 真係咪搞!

    回覆刪除
    回覆
    1. 係呀。。。真係超級方便呀
      個司機話有啲行動唔方便嘅老人家想返吓去見啲親戚真係好需要呢啲服務

      刪除
  3. 有車直接上去真係正呀,大人細路都舒服呢 ^^
    "杏仁茶" ?? 唔同音啊,個侍應攪咩?? @@"

    回覆刪除
    回覆
    1. 哈哈,我地都唔知,佢拎嚟時我地都爆笑咗好耐

      刪除