攣毛豬

B be一出世就好多頭髮，小檬哥哥都係，

所以我都估到B be都係！

啲頭髮仲越來越多, 

越來越孿添

(我同爸爸細個啲頭髮都係攣嘅)

都未夾到頭髮我已經買定啲夾仔喇！
亦有啲朋友送，有啲舅父日本旅行買

都未得閒買個有格仔嘅盒裝好佢地。

到頭髮再長咗

呢日就試吓同佢紮辮仔

新手媽咪紮辮仔

應該合格呱  

原來好難紮架，因為佢會郁嚟郁去！

好多人，識同唔識見到B be 咁多頭髮都會望吓講吓，

話佢第時唔使電髮啦，

我就會補一句話，

不過要做負里子呢！