秋遊Disneyland

上星期小檬有兩日學校假期，

好早就決定昵個weekday 又天氣開始涼嘅時間去一轉迪士尼。  

本來唔打算麻煩舅父朋友

諗住自己買飛，真係唔買唔知飛貴

但原來一家五口買飛都幾貴！

(又冇打算買年票,一買年票好似成日會去，唔去又好似唔持抵，

成日去又唔會令小朋友珍惜，

不過好似計落去兩三次已經回本.........)

講完一大輪

終於有消息舅父舊同事嘅同事

可以帶我哋入去

買年票呢件事再諗吓先

要麻煩到唔識嘅人添，

於是都買咗啲朱古力送比兩個姐姐。

一個帶三個，梗係帶我同爸爸／姐姐啦。。

於是小檬就係買飛入去。

大門位必影啦。。。

妹妹豬第二次嚟，

兩次都係瞓左

同呢個大門口米奇冇緣。

到處已經係聖誕裝飾

入到去妹妹豬就被音樂噪醒，呆

我哋食定big breakfast入去，

於是一入去就玩巴斯光年先，完全唔使排

之前話驚槍嘅小檬，今次就唔怕喇。

爸爸同妹妹坐一架, 一面茫然咁。

妹妹比小檬BB時大膽，

小檬果時一入去就喊。。妹妹豬雖然唔知咩事，

不過玩完全程都冇喊。

繼續行

兩個個頭細粒到呢~

本來行緊去反斗奇兵大本營，點知見到車車，

都係玩埋先

排咗15分鐘左右

好在妹妹剛剛夠高玩

不過坐底都唔見到頭

呢個車車都幾好玩，小檬自己揸，我就踩油

去到中間，小檬同我講 

媽咪你揸好啲得唔得呀？

明明係佢自己楂架喎=___=

未瞓夠，被嘈醒嘅妹妹，心情不佳，

放底影張合照比舅父都唔like，

勉強得一張

哥哥就超級開心喇～

玩咗小飛象，應該係影咗小飛象！

小檬唔玩喎。。。其實我就想玩嘅。

終於到喇。。

點解係我講終於??

因為小檬佢沿途不停咁問幾時到？邊到係？到未？

不停loop, 我答到口水乾

佢鍾意果啲就自己埋位影相。。仲擺埋pose

是日呢到一個卡通人物都冇。。。唯有自己扮


妹妹豬心情麻麻，好呆
係呢隻眼眼（妹妹豬叫佢眼眼）
先令妹妹豬肯落地影。

見到眼眼先肯笑吓

同媽媽母女鞋

摷返呢對鞋仔出嚟，

估唔到已經啱著仲已經係啱啱好添！！！

好快就唔啱著啦！= ( 

跟住試吓問小檬想唔想玩彈弓狗，點知今次就肯。

排咗大約10分鐘

一開始都要攬住小檬，

唔知佢會唔會驚，不過佢都冇驚，仲越來越開心添～

妹妹豬都冇咩問題，喺有少少緊張

唔使兩吓就已經玩完=____=

周圍影吓相

行到去灰熊山谷之後見到啱啱影完嘅米奇米妮

冇緣

好在到有chap and dale

妹妹豬又唔驚喎。。抱抱都得

bye~ 

唔多人排，媽咪都扮吓少女先

成日都陰陰天，行到呢到終於落毛毛雨，

好在我早有準備～ 

小朋友有雨樓方便啲

今次第一次影呢個 WANTED

爸爸你隻手呀。。都唔識抱嘅

姐姐就叻啦


行返出嚟就有巡遊睇
妹妹終於再頂唔住

由於落雨，只有Rainy Day Express

express真係超快就完，見雨開始大，

於是去食啲野，又等妹妹同小檬瞓一陣

一起身，又見到巴斯光年出嚟，

小檬已經好熟悉咁，自己行埋去影，

到妹妹就爆喊喇。。。哈哈

妹妹唔影，我哋影多兩張

high 5~ 

陰天下嘅城堡都幾靚架

小檬唔影喎

側邊又見到公主，冇咩人又排吓，都係排大約5分鐘

Cinderella 問下小檬叫咩名，兩個對答似模似樣

小檬真係笑到四萬咁口

呢邊箱，妹妹豬好似好淡定

我一放手，就爆喊飛樸我到

嚇親Cinderella

情況好混亂吓，唔知點解變咗我拖住佢影相

去到呢到時間已經6點幾，

行多間shop見到Olaf

佢好得意架。。。好多動作！！

可惜已經截咗龍，冇得影。。。

唯有咁樣影啦

之前行shop都太多人，係今次先可以帶吓帽影吓相

我哋冇睇煙花就走，去返大門，

同妹妹豬補返張相先

而家就醒哂, 識得笑喇

戰利品

反而今次冇咩買喎

我好鍾意啲貼紙，不過都攞得唔多。

後來排隊影相啲姐姐反而比左啲小檬。

小檬超級鍾意呢個Minnie換衫，於是買一個同妹妹兩份玩。

另外就買左三隻公仔

比舅父／舅母／契媽媽 

一家遊迪迪尼係大人同細路都幾開心嘅。。。