情人節

情人節，當然要同大+細+細情人過啦！

喺屋企先嚟自拍先！！   

到呀妹笑又到小檬呆 =__= 

時間緊迫，影到有頭就算！

之後就帶小檬去對面學畫畫，

學完又緊接去睇戲，喺隔離食麥當當。

揀左多啦A夢睇。。。。（妹妹大個啲一定帶埋你）

今次呢套sell溫情，小檬都冇咁緊張咁捉住我手。

冇睇3D版，因為小檬會比啲彈出嚟嘅動動畫嚇親。

睇完同咗小檬返屋企nap一陣，兩隻小豬瞓咗我就執吓屋！

眨吓眼就5點嘅，唔想同人迫，於是早啲去食。

我地冇食啲情比金堅愛情套餐呀。。。

喺屋企對面打邊爐

呢間啲牛同生炒糯米飯真係不得了，

食完唔想去第間！

我嚴重投訴爸爸所安排嘅活動冇得比妹妹參與，

留低咗妹妹成日，於是快啲食完

帶埋佢, 約埋C兄C姐一齊去行花市喇！！

(住得近嘅朋友真係好可以成日見又一齊活動)

妹妹豬第一次行花市呀。。。

真係行架！！！！

淨係叫小檬同妹妹影張相都唔知攪咗幾耐，

小檬又肉緊要攬住妹妹喎

妹妹企唔穩會跌架嘛

呀妹妹一放低佢就撲嚟我到

可能驚我又賣甩佢 

  

葵芳呢個都算大過荃灣，不過乾貨都唔係好多野睇，

一心諗如果有得意玩具都會買，

話哂行花市應該係小朋友最期待/最開心既活動，

不過真係冇野吸引到我同小檬

妹妹豬呢??就最鍾意睇啲波波，

成晚頭望住上面, 手指指叫波波。

好錫佢嘅C兄想買比佢架，

不過前排小檬生日會都仲有一兩個波喺屋企，

花市太貴，所以我制止咗佢，

終於搵到個迷你波波＄10  wakaka 

(好在有c兄幫手抱吓隻肥妹，唔係我手都斷！)

一人一個  total $20

多謝C兄

行吓食吓

妹妹豬食冰糖士多o卑梨

多謝C兄again !!

（其實係lam）幾滋味! 幾開心！

      

妹妹真係望鏡頭架!

事先同老公聲明唔使買咩禮物比我，

之前結婚週年紀念已經收咗隻錶已經好足夠。

我亦冇買到咩禮物比佢喇。。。哈哈！

希望我一直為一家人所花嘅時間心機，

兩隻健康快樂嘅小豬，

就係你最好嘅禮物啦！