小檬生日會點滴

生日會場地
小檬嘅生日會只係叫咗啲親戚媽咪嘅好朋友同啲小朋友嚟，
冇請太多人。其實都係諗住切吓蛋糕玩吓就算，
如果我屋企可以容納到咁多人，我都未必會book會所，
不過對比起出面啲party room呢到已經算平，地方算大。
（不過冇野玩，要sir滑梯要去隔離）

問過出面啲party room一個大人已經要成＄200/head，
我諗淨今次嘅人數租場都四五千，我真係覺得貴。。
如果再認真啲請，我恐怕有30/40人。。。
所以只係幾個最好嘅朋友嚟
之後大啲如果再攪先問吓小檬意見想請成邊個啦 =p

遊戲活動
去過其他小朋友生日會都有魔術C，小丑，好多遊戲活動，
我呢個都算特別喇，咩都冇。。哈哈，
其實都有諗過吓，不過請魔術C，小丑又要錢，
況且全部自己人，所以都唔攪咁多喇, wakaka

淨係買咗啲吹氣波波

帶咗帳幕落去  （之前買落）




BB方面仲簡單，咩都唔使，比張墊佢地攪掂

本來都諗左啲簡單遊戲同小朋友玩，
不過後來發覺佢地自己會搵野嚟玩，都冇理佢地喇

唔使錢嘅遊戲
Run  ~ run ~ run 

太熟啲朋友都唔使我招呼啦
簡單啲講，真係好hea

裝飾佈置
都花咗啲時間揀，終於揀咗用小怪物裝飾佈置

生日帽，存貨之前買咗未用 

蛋糕
決定咗小怪物裝飾之後就訂埋蛋糕，
咁啱睇到呢間蛋糕有怪物樣，
於是就同佢訂，完全冇諗過好冇食wakaka.....




結果佢啲色素好勁！
我地都淨係比小朋友食蛋糕果part

再訂咗啲cupcake 

同minicup cake比啲小朋友容易食。 

呢間好好食，我好鍾意。

零食~ 咩都有啲
熟食~ 牛扒，雞亦，三文治
附近街市仔茶檔，出奇地好食，朋友話好好味
（不過佢咁肥應該咩都鍾意食）

飲品~ 求其，包左包裝飲果時要估吓係咩，哈哈


小檬都有幫吓手

棒棒糖盒

電話apps 整咗個圖color print再cut，
雖然係普通A4紙，不過影相都OK靚吖

搵個唔要嘅盒print 張紙包好，攪掂!
不過近睇嚇C你

姐姐同婆婆就喺發屋企湊住小朋友先

我先可以用一個鐘時間打點佈置，

好在舅父早少少嚟幫我。

時間都啱啱好

氣球
又係太遲攪，差啲趕唔切未收到要喺香港再買!!!
好在後來生日會之前一日收到，趕得切。（你話遲唔遲）


預備咗個恐龍同個3字比birthday boy拎住影張相，
玩到差啲唔記得，不過最後都有影到


巴C光年會飛天是正常吧！

已經有啲手挽令佢唔會飛起
我有理由相信係啲小朋友自己放佢上方
朋友外籍老公八尺咁高都唔夠高，
最後外籍老公跳起終於拎到

大會攝影

攝影大C

萬分幸運認識到NT哥哥，亦唔知道咩原因之下而家我地好friend
（希望人地唔好話我做咩扮friend）
佢都算睇住我啲細路大，呢啲場合點可以冇佢，
兩點帶齊裝備神咁早同我一齊到會所，
就係睇吓地方用咩燈，點放啲咩咩咩（我唔識架喇）
唔收我錢, 比利是又逃跑
仲要咁認真就係因為佢每幅相出自佢手都係要靚嘅，
唔可以hea，唔可以求其！
除咗啲相要靚之外，工作態度都認真都係我好欣賞佢嘅地方，
唔讚咁多喇，大家心中有數。

攝影2C

中學同學，好好朋友，係我嘅好姊妹
有咩重要事都會叫佢，好鍾意影相，成鬼日買相機，
可能太多錢，啱啱買咗架Sony新相機，
平平地兩萬幾，所以嚟試機。

媽媽扮吓野

(NT哥哥做咩唔執走我啲魚尾紋呀？)

幫小檬影吓, 擺哂?pose

（咁friend，其實有多餘錢使唔哂可以比啲我喎） 

攝影3，舅父，又係好鍾意買相機, 不過唔多影相 =p

結果，一個人蚊型嘅生日會有三個攝影C 
出現咗攝影C疊攝影C嘅情形出現