妹妹豬@第一場比賽

妹妹豬完成咗人生嘅第一場比賽喇!!

我地登記咗個爬行大賽

其實一節都唔係好多人，大約5個BB，

佢呀媽我唔記得準備啲物品引佢爬。

小檬果時我帶定遙控器。今次可能有其他野玩，

所以我唔係好記得有爬行比賽！

唯有打天才波~ 

準備喇。。。

一開始, 唔知點解妹妹豬向後爬！！！

呢個時候我先喺手袋攞粒朱古力出嚟引佢

(朱古力係諗住一陣影cover baby 試鏡時氹佢)

其實佢冇食過朱古力，不過佢應該知道食得，

理論上好鍾意，冇理由冇反應。

天然呆，唔爬！！！

媽媽拿拿臨再摷，手袋咩都冇，唯有拎支唇膏。

佢即刻好似入咗電咁追住爬

（佢平時見我啲一支支已經好鍾意，自己扮我搽上面）

小檬哥哥都喺度幫手，叫妹妹爬行過嚟啦～

不過好似阻住賽道，越幫越忙。。

我唯有一手叫哥哥行開，再推唇膏。。

妹妹豬就好似追住啲電兔咁。。。開turbo 咁爬。。

好快就衝過終點，

成為第一名！！ 

張獎狀仲好快就比埋佢添～

(其實佢唔起身行都算係咁)

啲FB朋友讚我可以同時間推開哥哥拎唇膏仲要引妹妹，

因為我每日都面正對同樣情況！！

兩隻手兩隻腳都同時做緊野架～