5.19.2015

小檬學校茶敘

24。4。2015  茶敘
小檬學校每隔一段時間就會安排一個茶敘比家長們。
第一次似係9月份。

最近呢次係4四份
呢日小檬冇搭校巴,我地車埋佢一齊返學。


小朋友先入課室,家長大約八點半已經到
聽班主任同英文老師一吓小朋友整體嘅情況,
有啲咩可以提醒家長幫到小朋友,
好似男孩子已經開始攝衫,
可以比多啲佢地自己練習。。etc

排隊出去做早操。

同上次一樣, 見到小檬眼神交流微笑一吓, 
內斂的, 但掩蓋唔到大家見到面心中嘅興奮
都係果句明明10分鐘前先一齊,真係好痴纏

做早操, 同上一次都係有啲感動,
不過叻咗冇眼濕濕。小檬亦有郁多咗兩吓
(註,小檬係極之冇音樂感嘅人,唱遊分肯定最低)

之後小朋友就返入課室上堂。
跟住就係學校校長同校長傾吓計,
茶敘冇主題,咩都講得。

有啲家長分享一吓處理小朋友嘅難題,
分享一吓兩兄弟姊妹嘅相處(呢part我有分享吓)
有啲話自己小朋友喺屋企好曳,食飯食好耐。
有個家長話小朋友一定要搭指定同一部電梯。
咩問題大家都分享討論。
校長見咁多小朋友,咁經驗豐富,
都比到唔少有用嘅意見我地
呢個茶敘都獲益良多

p.s.第一次去嘅時候,我問同校巴嘅媽咪,
係咪真係有野飲?! 
哈哈

4 則留言:

  1. 咁攪笑,小朋友指定搭一部電梯??

    食飯好耐,呢part好啱我。

    回覆刪除
  2. 茶敘? 好特別的一個家長與校長的溝通渠道! 學校肯多與家長傾計, 真的不錯

    回覆刪除
  3. High Tea?? 哈哈~ 學校真係好好呀~ 好多機會同學長溝通~

    回覆刪除