相愛10年

頭幾年拍拖都有記吓一齊咗幾多年，雖然除夕好容易記，

不過結婚之後一直都冇咩特別慶祝。。。

而我成日都唔記得一齊咗幾耐=p

尋日心血來潮想問老公我哋拍拖到而家幾耐，不過都冇開口。

點知到夜晚老公叫我開信箱，話上海有朋友寄野比佢，叫我幫佢睇吓。

一睇信箱原本係棉花糖公司寄嚟嘅。。。

呢個棉花糖廣告成日係飛卜彈出嚟，我都有諗過整，

不過最後都係懶。估唔到老公整比我

原本我哋已經相愛10年 

老公今次揀相好有心思，由每個階段都有張相

拍拖，影結婚相，結婚，生仔，生女，一家四口一齊

盒內有揀咗相嘅真身對照

變成棉花糖嘅我哋，都冇咩走樣喎。。

比起其他由十幾廿歲已經一齊嘅人，10年唔係一個好長嘅時間，

可能我呢10年真係年年都精彩

.所以我覺得好長~

感謝你在這10年陪我走過人生的每一個的重要時刻！

 

感激我遇見你～