X'mas Snack

聖誕節小檬學校除咗聖誕表演之外，當然唔少得小朋友最鍾意嘅party啦～

學校唔鼓勵小朋友帶禮物交換，不過小食就可以帶返去一齊分享！

即係話媽咪又要準備喇～

整野食呢part我就最。。。喳架喇~ 哈哈

於是又四出尋找一啲簡單又容易整嘅聖誕小食

搵到呢個就。。中咗毒咁，覺得呢個都容易吖。。又靚又得意～

（唉。。我實在太睇得起自己喇！）

一鼓作起就去買材料整。。。夜晚等妹妹豬瞓咗先開得工，

如果唔係啲士多啤梨會無故失蹤！

切好士多啤梨～容易  

聖誕老人個頭，原本係棉花糖，我初時以為都係cream，

好在之前BBQ買落有一包喺屋企。

不過個大小好似唔係好啱。。眼睛打算用朱古力，不過今次trial，

所以求其搵啲硬朱古力變眼睛就算，到咀仔喇。。買咗車里子。

第一個聖誕老人

我覺得好肉酸呀。。。wakaka

老公話啲小朋友唔識分嘅。。。但我自己過唔到自己個關呀

加上如果咁高小朋友拎住好容易跌

小檬示範

於是打消咗聖誕老人，再搵就見到啲簡單啲, 容易啲整嘅

(都好多謝燒腩媽大爺媽嘅意見～)

我屋企冇焗爐，初時諗住買啲現成蛋糕，

買材料嘅舖仔姨姨話可以幫我整，

整啱我要嘅大細，收費都唔貴, 同買嘅差不多，

於是就唔好煩，叫佢整蛋糕～

我就好簡單咁整啲士多啤梨

士多啤梨我買咗韓國呢隻，大細同形狀都好，

有啲三尖八角果啲就整比自己屋企人,wahaha

星期日食完lunch就開工喇～

切好三角型做聖誕老人帽

好快完成

妹妹豬眼睛未離開過啲士多啤利 

比佢偷食下（啲頭頭尾尾)

初頭唧花仲唔靚

都係唧返圓形算

我唔識真係唔好攪咁多花臣～

完成～ 

其實有啲都唧得麻麻，不過算啦～

我技術係咁上下！

 另外都預備咗啲比屋企人，做冬可以送

比小檬過吓目，都OK滿意

雖然唔喺全部好靚，不過都係媽咪一份心意送比小檬啲同學仔!

Merry X'mas ~