噢。。聖誕樹

二人世界嘅時候，冇諗過屋企要買聖誕樹。

到小檬出世嘅第一個聖誕節，

佢差不多一歲，為咗屋企有聖誕氣氛，

當然要買棵聖誕啦～

用咗兩年嘅聖誕樹，唔知點解舊年聖誕完結之後

我哋就冇要棵聖誕樹。。。諗住今年買棵真嘅！！

但，我哋淨係識諗。。末有好敏捷咁行動=___=

終於拖到上星期夜晚放工先捨得去買～

現今香港人咩都要快，咩啲要早安排

我哋08/12，仲要收工時候先出去買，

其實又點會買到啱心水嘅聖誕樹吖。。。

一開始我睇到呢棵左邊

叫婆婆企埋看下個高度，檬爸話太細喎。。。（你屋企好大咩？）

跟住中間呢棵，其實都嘅啱尺寸 ，＄690

再請教做婚禮花球朋友。。。佢叫我去佢買開果間"雀仔花香", 

話中間呢間偏貴。

去到見到全部都係高過我嘅都係＄800

不過太高喇, 我就同店員講唔啱，

點知檬爸一睇就覺得差百嘅蚊，就可以大咁多！

就猶豫起嚟～

( 點放呀？？真係唔使行喇)

檬爸話大好似靚好多。。（我夠知啦）

 結果...

我哋架車可以將後座放平先夠位放咋！！

返到屋企，將食飯檯較低，移去窗台果邊。。

(好在果時買呢張檯)

成個飯客廳就放聖誕樹

冇諗過突然家有咁大嘅樹喺到。。。

搬好哂，執好哂已經夜

小檬就喺聖誕樹下欣賞吓先

第二日先同妹妹佈置

自己細個嘅時候都最鍾意佈置聖誕樹

見到佢地兩個都咁興奮，媽咪都好開心

亂掛一通之後就要我執返好

真係要企高先掛到啲燈。。下面個小朋友越幫越忙

完成~ 

亮燈喇。。。妹妹開始眼瞓

細細個只係有棵膠嘅聖誕樹已經好開心。。

估唔到而家有棵真嘅。。

仲要咁大棵嘅喺屋企～