小檬K1親子旅行

@28/11/2015
一年一度嘅學校旅行又到。尤記得上年對第一次的親子旅行嘅熱切期待。
雖然事隔一年、亦非首次，不過我同小檬嘅心情都非常興奮。

大家9點鐘集合點名,
今日我哋有小任務，要早小小到, 就係幫老師點名，
所以我好驚唔知醒起身，幫唔到手
好在小檬冇咩扭計，準時出門口

小檬幫我攞下名牌


到齊哂就按自己嘅車號上旅遊巴

去旅行，梗係要喺校巴唱歌仔～
唱咗兩首我都唔知係咩歌。。哈哈

雖然目的地係天水圍，不過行高速好快就到～

第一件事影返場到此一遊先


第一次黎嘅我哋，同啲同學仔周圍行吓
見到啲動物石頭

小檬扮佢地叫~ 牛

獅子

跟住就玩啲比錢game，本來想比小檬自己一個坐，

不過又佢未係好夠高，結果我坐埋一齊

快過打針就玩完，轉返出去，

又見到同學一齊餵金魚

一包幾個餵。

餵多兩吓就到每班嘅遊戲運動時間。

集體遊戲 傳吓波波

音樂報紙

  最重要就係大合照～ 

跟住就係BBQ時間。。。之前預咗顧住小朋友就好難BBQ，

所以都係啲爸爸B比我哋同啲小朋友食，

食到咁上下啲同學仔就行埋一齊玩。

媽媽們吹吓水，小朋友自由活動時間

老師都有趁機同家長小朋友聯絡一吓感情。

有啲舊年上午班嘅小朋友走過嚟叫小檬小檬， 

話好掛住佢。。要同佢一齊玩。

相信小檬係學校都係平易近人，受小朋友歡迎。

食食吓，由周圍行吓，去左撈金魚

我好似玩得開心過佢～ 

呢檔個職員姨姨超級有禮貌

仲有去咗跳彈床，爸爸報告個職員嬸嬸，

態度好差，我行過見佢好抆憎

玩完一輪, 好快就離開喇。。。

回程旅遊巴超靜，因為大部分小朋友都已經放哂電，

瞓哂喇～～

好期待下年。。

唔知道會唔會多一個家庭成員一齊去呢？？？