聖誕襪

對於小朋友，聖誕節真係一個好開心嘅節日。

於是媽媽都再幫手攪攪氣氛。

喺花虛買聖誕樹裝飾佈置嘅時候，

見到啲聖誕襪想買比小朋友放吓禮物， 不過要＄89。。

即刻問吓老闆有冇細小小嘅。。。

老闆話咁細裝唔到禮物架

我老實同佢講，我諗住細啲可以平啲嘛。。。

呢啲一年用一次玩吓嘅唔使太貴嘅wakaka

於是老闆喺個底摷啲$30比我，

有隻冇價錢不過個樣似貴啲嘅

佢都收埋我30就算。。

哈哈哈 ~ 多謝哂呀！

整好聖誕樹之後，就一齊掛好喺床喇

妹妹豬都扮黐

掛完即刻摷吓 

再裝吓。。。哈哈 

 $30超值啦

同咗小檬講聖誕節，聖誕老人就會爬窗入嚟我哋屋企，

放啲禮物入隻襪度。

佢都有好認真咁問佢幾時爬入嚟？？係咪夜晚？

 小檬一知聖誕老人會爬入嚟比禮物佢，就開心到傻咗

 兩個一齊冇咩野玩都笑得一餐

星期六出去買聖誕禮物時，檬爸比佢地自己選擇，

一人一份放喺聖誕樹底！！ 

(請問我果份呢？) 

兩個真係忍得住唔拆，

不過就不停咁睇。。。睇不停。 

越是期待越是美麗.....