Blogger BBBQ

每年踏入秋天都份外開心，除咗係自己生日之外，

天氣稍涼，又可以燒烤！

於是就約咗幾個blogger 媽咪一齊燒雞翼喇～

原先約好十一月份嘅，不過天公不造美，落雨唯有取消

到咗擇日從燒之前嘅一日，天氣差到不得了，

雨落過不停，心裡已經打定輸數。。。

不過收到天文台台長嘅短信，話第二日應該已經冇雨。。

點知呢個台長果然名不虛傳，第二日真係冇落雨喎！

終於可以燒喇！！！

(估唔估到呢個天文台長係邊個呢？)

真係到呢日先知道可以燒，拿拿臨再同大家確定人數，

擇日之後再book多咗個爐，

諗起再可以叫埋我平時嘅湊仔團隊，

可以有多一個透爐，一個保姆。。。咁好彩佢地都得閒喎, 

再問埋好忙嘅大會攝影, 佢之前諗住落雨，

於是cancel咗個job, 

變咗我哋有大會攝影喇. YEAH!! 

中午時份出去食lunch，點知兩個回程都瞓咗，

於是唔驚姐姐攪唔掂兩個，放低佢地喺屋企瞓

就同檬爸拍拖去街市。

可能果日咁啱轉涼，好多人打邊爐，街市超級多人。。。

終於迫到買哂肉類，再買啲粟米菰菰之類～ 

返嚟超級市場先再買乾貨，點知冇燒烤叉賣~

好彩大會攝影果邊仲有貨就買過嚟，

如果唔係，真係冇叉用喇！！

買哂啲野，大爺媽已經到咗我屋企先，妹妹豬先招呼大爺一齊玩玩具

契媽媽，大爺媽媽，同姐姐就夾手夾腳包好啲金菰呀。。粟米呀。。。蕃薯呀。。

檬爸爸就同Ed先去透爐。

攪掂就落去喇～

set好哂野，就先餵飽啲小朋友，其實只係麵包。

跟住掛住玩應該都唔肯食野。。。唔理喇～

燒腩仔一家都到喇。

影張合照先～

開餐喇!!

燒腩爸／檬爸同edmond不停咁燒野比我哋同啲小朋友食。。

妹豬一家都到咗喇。。。

妹妹豬終於有啲女仔朋友陪佢玩

唔知道點解佢地係咁圍住條柱坐

同小朋友玩吓遊戲先

有隻雀仔跌落水

契媽媽就幫手湊吓啲小朋友。。。

你睇吓契媽媽幾咁落力肉緊

小檬呢晚掛住玩，食得好少，拿拿臨塞舊粟米佢先

至於大會攝影，除咗影相之外，其實有啲頭痛，

不過都化身娛樂組組長，娛樂小朋友。。。

排隊等做飛空中飛人

坐巴士

NT哥哥除咗幫我哋影相啲靚相之外，

我哋仲拎咗佢地部機嚟影。

質素當然唔夠大師咁好啦。。。

影得最靚嘅相, 就係NT哥哥影，

都OK靚嘅係燒腩媽，

有啲朦朦哋嘅係。。。（我都係唔講喇）

睇吓NT哥哥當日啲靚相, 錫哂你!! 

不得不讚吓Ed，手勢好，又有心機。有圖有真相

你睇啲豬仔脾幾靚！！

受傷球員

（其實只係小檬唔知做咩瞓喺到話睇星星喎)

Music Chair

Blogger BB合照

加埋靚媽們

妹妹豬

攬吓先～

妹妹豬突然黯然，唔同呷醋？

我嘅兩隻小豬

嬲

燒腩仔同妹妹豬玩得好開心喎

兩小無猜

雖然係咁，但妹妹豬其實成晚大爺大爺咁叫架

妹豬妹攝吓位先

三個玩波的小孩

不停追住個波

兩兄妹

雖然有人燒比我哋食，但係其實我都係食左好少野。。

係臨尾食返吓啲紫芯蕃薯，yummy！

果晚都少少凍，不過好在我哋係海邊都唔係好大風。

最好笑嘅係臨走有個小朋友玩得太開心唔肯走，
話要留喺到唔走呀！！

雖然忙咗一日，不過見到大家都玩得開心就自己都開心
本來都諗住再約多啲媽咪架。。不過天氣時間實在太難就喇。。
睇吓遲啲會唔會再攪多轉先!!

再一次多謝ED大廚，契媽媽湊仔女，同我至愛嘅攝影大C！！

有你哋我地一家都好幸福!!