小檬K1 X'mas Performance

聖誕節最令媽媽期侍嘅唔係聖誕禮物，而係小檬學校嘅聖誕表演。

上一年小檬可能表現唔太特出，比安排喺中間嘅行數，細細粒嘅佢，

只係小朋友與小朋友之間嘅罅隙看到佢。

雖然係咁，小檬嘅第一次演出依然令我感動。

今年第二年, 做媽媽嘅我更加感動

因為...

爸爸從大陸趕回來之後，就一齊到達學校。

小朋友企好哂之後就叫家長入去。

喺電話群組裡面，已經有小朋友話比媽媽知道小檬會係普通話小司儀。

我諗都冇諗過喎。。。亦唔知小朋友係咪講到真，

於是都抱住平常心去。

一入到去就見到小檬，打咗招呼之後就坐低。

小朋友排好

老師就將咪遞埋小檬手上。。。。真係小檬做司儀呀！

一開聲我就好感動。。。

講完之後就到英文小司儀 

小朋友扮成一棵棵聖誕樹跳舞唱歌

真係好得意,

小檬今次又唱

又跳

又有笑。

表演完咗之後就拍照時間

拖返小檬之後就攬住佢。。好感動。

之前第三排一舊飯做到動作慢三拍

而家就識跳識唱，仲做埋普通話小司儀。

唔知點解眼淚就喺咁流。。。好感動。。。

校長同啲職員見到我就話遲啲K3畢業仲感動呀！

快啲抹乾眼淚就影相喇 

媽咪啦

校長啦

仲有啲老師

 當然有檬爸啦~

老師應該有叫小朋友唔好話我哋知，比啲神秘感我哋，

因為小檬返到黎隻字不提，亦唔會叫家長同小朋友練習，

希望我哋真係可以到場先欣賞，

真係好多謝老師咁有心，同有心機呀！

做媽媽嘅真係好容易比自己嘅小朋友感動，

喺咁多人面前講說話，仲要係用今年先開始學嘅普通話，

唔怯場，真係唔容易

（檬爸仲話佢唔夠大聲=___=）

我話佢已經可叻，對一個三歲幾嘅小朋友嚟講，

咁勇敢咁企出嚟講，已經好叻叻！！！！！

小檬proud or you!!! 

1st PN X'mas Performance