我的母親節

母親節的早上，就係晨咁早先有少少時間喺屋企打篇blog，

之後就預備出門口，而家兩大兩細，出門口嘅準備時間就再要提早啲。

唔知點解永遠都係會遲。。。

換好哂衫，小檬就拎份佢爸爸準備好嘅禮物比我，

媽媽母親節快樂，I Love You

再加個香吻，冧哂！

記得我聖誕時節想買換相機，之後被NT哥哥荼毒嗎？ 

話買話買終於由老公買比我，多謝老公

（其實之前幾日已經想自己去買，最後又掛住屋企嘅大細豬，所以冇去到。）

去咗同兩位母親大人飲茶

雖然好大雨，不過約好哂，都有車，所以照去！
不過呀大豬呢日又發癲，食野讚佢自己吉.我讚就得，
佢嫲嫲比隻手指公佢就就無啦啦發脾氣。。。
真係好神奇，唔知佢地諗咩!! 
雖然婆婆幫吓我手，不過成餐飯都係唔知食咗啲咩

之後行吓街就返婆婆屋企食飯。

舅父女朋友喺韓國買咗幾支人參返嚟，婆婆話要整人參雞湯，

於是母親節婆婆都要煮飯比我地食

（其實婆婆好enjoy煮飯比我地食。。。唔想婆婆咁辛苦，

平時都係工人姐姐煮多，佢所以比個機會佢啦。）

仲有蝦，我地話太多餸，唔使整，如果唔係，真係魚蟹蝦雞都有。

而家影嘅相越來越少，因為兩B在手，真係唔會再有手。