出走系列~ Ocean Park 1

返工之前去咗一次海洋公園。
對上一次嚟喺小檬未夠歲半，所有野都好似容易控制啲。
 一去到淨係影吓個大門口已經唔掂，走到飛起

好辛苦先叫佢企好

而家影相求其有個景有個人頭望到眼睛我已經就收貨，

唔笑已經係梗架喇～

好在有攝影哥哥幫吓手先笑吓

上年諗過買year pass，但諗住大個人啲先。
今次去好梳爽咁買咗year pass，
因為係老公話買 相信都冇咩點諗過，覺得要買就買。

要影返張相喺張證到。我影完佢又話要影喎。 。

一入去，見到鯊魚先生, 佢就話"影張相" 
而家見到啲大公仔唔驚不突止，
仲會主動要求影相。

呀鯊魚先生: 你個頭訖得太高喇

於是我叫佢低啲再影過

仲未捨得走=__=

終於 bye~ bye~

(以下全部真實對白)
"Mami影呢隻"

"媽咪影埋呢個

"軒軒要影張相"

（咁你又唔望鏡頭？）

呢個都唔放過

"馬達加師加嘅河馬呀" 

（開始知道點解啲人咁怕港女成日係咪都影一大爛餐）

我地差唔多十二點先到，安排咗食埋海龍皇餐廳先開始玩。

我都唔知咩事，佢唔鍾意間餐廳

佢明明好鍾意睇魚魚架，而家夠哂大啦，又唔鍾意睇？

氹到口水都乾先肯坐喺到，影相？
得一千零一張

一千零二張

一千零三張

一千零四張

兒童餐都好似冇咩食過反而食咗我地個炒飯

去咗睇呢個 唔記得叫咩名

有year pass可以預先喺入口登記，攞VIP座位飛，
其實唔多人都唔特別有用，不過啲位係靚啲，正中啲。

我唔係好識欣賞嘅show，不過啲小朋友都幾鍾意。

自拍就好開心喇~

 

之後再睇海師

小檬就學識上台演合照，三隻仲唔開心C佢

 跟住再睇埋雀仔

係咪好吸引呢。。。呢位陽光笑容嘅哥哥~

我冇理過隻貓頭鷹

e...e....eeeeee

跟住有個較親密嘅活動，就係比錢錢鸚鵡放入個箱到。
準備比鸚鵡

比咗喇~ 

係咪見唔到呢??

小檬：媽咪，再比啲錢錢吖。（真實對白）
佢梗係知道佢個相片攝影師捕捉唔到最緊要嘅一刻，
所以佢叫我再錢錢再入（好在仲有張廿蚊）

影到喇。。。

可能爸爸知道如果再影唔到又要比過錢就幣喇
（其實返到嚟睇相先知影唔到..haha）

已經三點幾.小檬.超眼瞓喇。

喺眼瞓冇咩走動嘅情況吓我先影到幾張相，
不過當然冇笑容，有啲憂鬱feel

待續.....