學懂放手

多咗B be，請咗工人姐姐，復工之後，我地就唔使再湊小檬返婆婆屋企，

而係婆婆嚟我地屋企，或者佢可以stay喺我地到過夜。

之前細房未整得，而家B be出咗世之後，

就已經安排咗訂做張子母床，應該月尾可以攪掂。

尋晚婆婆返咗屋企，今朝返工佢未嚟到，

我地又要出門口，所以唯有照行

（其實有姐姐喺到，不過始終想有個人睇住下會好啲）

點知小檬唔比我返工，攬住我隻腳，喺咁喊哂同我講

媽咪唔好返工，咁耐以來第一次，我心都酸哂，好唔忍心，

佢好似樹熊咁攬住我，我都好唔想放低佢

可能之前去婆婆到都有個自己人（我覺得佢識分邊個係屋企人）

又可能產假日日陪慣佢，

又可能而瘸大個仔咗，會識得需要我，

所以突然今日要返工，佢就發咗癲，之後仲dum玩具！

又要趕返工，又要同佢講道理，又要氹返佢，真係好lee hea~ 

唉。。。，呀仔，媽咪都好想陪你架！

不過做全職媽媽唔係咁容易，好多野需要顧慮，

遲啲你又返學，又會有自己圈子，

到時可能係你唔要媽咪喇~ 

好快媽媽都要學懂放手。。。