5.09.2014

一個字~曳!

如果我話小檬曳,身邊個個都話,唔係吖,佢好乖呀⋯
um⋯可能都算乖,但有時真係好激心!

有次行過睇完玩具,次次都會拜拜玩具,冇話住買,
點知果次見到怪獸大學puzzle就拎住唔肯放,
唔知點解佢就到個頭仔撼到地下添,見佢憾親,就抱起佢,佢當然爆喊,
一方面又驚佢整到,一方面又唔想氹佢等佢覺得呢招係work
唔使一分鐘,佢突然自己收聲同我講
sorry媽媽~ 
都算佢啦,如果唔係我都唔知點收科。
以前以為小朋友地會好尷尬,原來唔會,因為要已經係完全忘我竟界,
淨係想佢快啲唔好發癲,見唔到其他人。
雖然咁耐得一次,不過我真係好驚佢再發

掟野
好多BB喺細時學揸野嘅時候,會鍾意掟野,出於好奇,
係學習嘅一個階段,但小檬果時又冇喎。。。

大個咗唔知點解,有時話佢,果一刻有玩具喺手,佢就會掟玩具
尋晚就係,放工一支箭返到去,好開心抱住佢跳舞
跳完佢喺屋企跑,就叫佢唔好跑,
佢就用手上嘅玩具掟我
(可能真係target 我,又可能個方向咁啱向我)
唔知點解十級火起,即刻打手手,但又驚打手,佢又會學到打人,
不過果一刻真係好慶,冇諗咁多,
終於知道點解有啲父母會打小朋友打到上報紙!
我打到我隻手到紅哂慶哂,我話你唔要玩具吖嘛,我就dump咗佢。
佢見到個玩具喺垃圾筒先"媽咪媽咪,唔掟喇唔掟喇!"
過去naughty corner,佢唔使兩秒就走咗去,如同虛設

不如試吓揸耳仔,影比佢爸爸睇吓


唔使兩秒 放手


笑返

唉,點罰吖?!

之前佢就好快講"sorry媽媽"仲要嘟住個咀仔喎。
我要佢自己成句講哂先收貨 "媽咪,我以後唔會玩具喇"

飛跑
喺屋企跑都不突止,仲要係飛果隻,衝入房擒上我地張床
又爬過去已經封塵嘅梳妝檯。
我好驚佢跌落嚟囉,我諗我都係唔可以執咁乾淨,
有啲雜物佢爬唔到就算。

自己開房門
小檬算細笠,不過都可以自己開房門啲鎖,
試過佢自己入咗去搵個門攝攝住門,我地喺出面開得條罅,佢就喺大床嘆
我地越推就越實。 差啲開唔到門,如果係都唔知點算
後來氹佢拎開隻貓
(好在門攝係貓貓,唔係唔知佢明唔明我講咩)
自此之後我就搵個防夾手喺門,收埋隻貓貓。

唔食就lur
佢呢排食野叻咗(咪講)不過都有時有啲唔食會lur
之前就唔理喺邊,都lur
之前教佢要lur落紙巾或者媽媽婆婆手上面先得,佢做啱就話佢啱,
點知而家佢食到要lur喺我地手之後就自己話 
"軒lur喺媽媽手上面好叻(尾音帶得戚)"
跟住我又要解釋其實吞落肚最叻。

尋晚突然玩口水

好在佢識sorry 媽咪之後,再加句I love you,即刻冧哂~

唔知係咪真係因為trouble two,遲啲會好啲呢?
定係又要迎接naughty three 呢?

15 則留言:

  1. 我都覺得越來越難影到小檬一張正常嘅相 只可以靠補足 再咁落去我年紀老邁 好快影唔到佢相架喇

    回覆刪除
    回覆
    1. NT 哥哥,你喺屋企或者office多啲練習捉烏英,訓練吓啲反應,應該會容易啲捕捉到我嘅靚樣

      刪除
  2. 我囝3歲了,真是越來越trouble

    回覆刪除
    回覆
    1. 三歲都係一個好煩惱嘅歲數。。。大家加油呀

      刪除
  3. 一樣,起碼檬會say sorry, hannah 就只會喊,唉,我都就快激死了。 見住佢愈來愈大,d 脾氣愈來愈臭,我都驚左佢呀!!!希望快d 醫好佢地 terrible 2 呢個病啦

    回覆刪除
    回覆
    1. 真係好煩,話佢又好似當食生菜,不過小檬成日都見勢色唔對就say sorry 仲要懶Cutie咁講,唉你話點可以再話佢?

      刪除
  4. 軒軒lur喺媽媽手上面好叻<== 真係唔知好嬲定好笑:) 你句吞落肚...仲叻叻呀媽媽!:)
    唔怪得話教小朋友真係要有好多心機&耐性...
    其實小朋友係咁...人哋話越曳越叻...冇人真係想自己小朋友成舊飯嘅...加油!

    回覆刪除
    回覆
    1. 哈哈哈,有時講完自己都笑。。哈哈
      都係嘅,希望曳完就係叻啦!

      刪除
  5. 估唔到小檬都有咁曳一面,不過佢曳完識主動say sorry,同埋lee響房實用個門攝去攝住度門(知道出面越推越實喎),就知佢真係好叻仔!
    唔緊要啦,慢慢乖下,如果太乖反而驚架,曳果啲先叻架嘛 :)

    回覆刪除
    回覆
    1. 佢真係好叻仔,好多野講一次或者自己已經領略到。
      其實果吓真係有啲驚佢困住自己
      小檬成日都見勢色唔對就say sorry 仲要懶Cutie咁講,唉你話點可以再話佢

      刪除
  6. 遲來的trouble two

    回覆刪除
  7. 小檬曳既一面龍BB 都已經做齊晒, 唯一吾同係龍BB 未識say sorry, 所以小檬肯講sorry 已經好好, 比佢冧返晒喇!
    我都有用防夾手夾住房門, 如果吾係龍BB 成日都好鍾意自己走入房闢埋門, 都吾明點解!

    回覆刪除
    回覆
    1. 記得搵定後備鑰匙喺出面,如果真係鎖住咗門都開到。
      我覺得龍BB嘅發展都好快,相信呢段時間最辛苦父母。。加油

      刪除
  8. trouble 2呀...我屋企件一模一樣,最激氣係話佢仲勁賴皮咁嘅樣對住你笑

    回覆刪除