New toy ~ Yonanas

上星期六約好哂同事到我樓下BBQ，點知陰天加一陣驟雨，

大家決定取消，擇日重賽， 心情大受打擊，因為已經約好耐，約得好辛苦，

啲後生仔女，個個都好多節目。

冇得燒之後，就即刻Plan B，其實冇plan B，

唔知點解冇啦啦走咗去買雪糕機，我可能有提過燒腩媽買咗，

上年夏天已經見到喺商場promote，不過果時小檬仲係細，

諗住大個啲先...總之，唔知點解就走咗去買喇! 

由於要雪12個鐘先有得玩，於是第二晚啲生果一得就即刻試吓喇。

價錢＄670

建議食譜 

等食中... 

o錫到個妹扁哂

首先試最容易嘅香蕉，工人姐姐切得太細舊，

要放好多舊先得

第二晚就半條，容易整啲。

只要將雪凍咗嘅生果放入機（要放冰格大約12hr），

放入機，好似搾汁咁，經過部機出嚟，

啲生果就會變成雪糕咁嘅texture。

食落真係好似雪糕，仲係有啲生果粒粒，

因為可能未打得爛哂。

呢架機嘅原理係。。。係。。。我係唔知嘅，亦冇深究

（呀仔呀女唔好學我，應該要有啲求知欲）

只要有得食就得，第時架機仲未壞就叫小檬去查吓原理係咩啦。

食得好滋味嘅小檬

同有得睇冇得食嘅B be

之前同燒腩媽講過驚買咗之後小檬會成日lur住整，

結果晚晚整嘅係佢老豆 （其實我都有份，唔好賴哂老公）

仲要開始試唔同味道。

芒果 

蘋果

士多o卑梨

遲啲應該會加埋玩oreo呀，加crunch呀。。

從未見過咁整野食咁積極嘅老公

食到小檬lam lam俐

清潔方面，啲parts全部拆得開，都好方便乾淨。
雖然部機唔算大

不過屋企千幾二千尺嘅我，就頭痛放喺邊喇！
雖然話係生果啫，始終食咁多凍野都唔係咁好，
所以今晚我會阻止佢架喇！
（其實我都有份，唔好賴哂老公)