與媽媽出走系列~ 銅鑼灣

記得坐月後期，成日出走，冇乖乖坐月，帶住小檬周圍去，
當然有時都有帶妹妹啦， 不過妹妹果時淨係識瞓
都係趁唔使返工就同小檬去玩
（做大嘅就多啲時間出去玩，返到屋企又要讓返妹妹，都算公平吖（我話）

都有幾日我自己帶住佢出去，都可以紀錄返先

@22/12/2014.
之前一晚喺廣州返嚟都瞓晏咗啲，請咗上午假（下午公司半晝）

一早換好晒衫，終於都攪到11點幾先出門口，
原本想去玩具圖書館，不過已經full咗。

其實我都未諗到去邊， 唔理喇，出左門口落左巴士站先算。
睇吓邊架嚟就去邊到，我有時就係咁浪漫～哈哈～

媽媽自己同B出走系列同平時最大唔同嘅就係唔會有爸爸車，
要自己搭車

離遠已經見到架過海巴士，好喎。。
平時都算少去銅鑼灣，因為泊車同隧道費都貴。

於是就上咗呢架巴士喇~ 

沿途睇吓風景，唔使5分鐘佢就瞓咗。。。。汗

呢架車行高速唔使20分鐘就到sogo門口，於是我唯有抱住佢落車，
抱住咗佢好難拗手咩背囊，好有個EE幫我咩上膊！
由sogo落車行到去世貿，搵間吉列豬扒食，
一條氣差啲頂唔住, 去到坐低佢就醒！！

兩個人叫一個餐，點知佢真識貨，

差不多食哂成碗飯，兩塊豬扒

（喺屋企或者其他地方係唔食豬扒嘅）

我就食埋啲尾數就算。

差不多可以照鏡, 我就淨係食左呢啖飯

有啲聖誕佈置梗係影吓，其實好似唔比坐，

但見到個牌時佢都已經坐咗落去，影兩張先起身啦

大bear bear

得未呀？咁高我好驚嚇呀媽咪

走咗去sogo睇玩具，細個梗係覺得啲玩具應該好玩啲，
不過而家冇咗呢種感覺喇。

小檬最鍾意玩呢個德國製造好貴嘅木製波子碌碌碌

玩完睇吓有冇特價BB衫，不過而家佢好曳，
睇親衫就話"唔好買啦，咁貴，屋企有喇！"

其實有時都好，可以比個藉口我走。。嘻嘻

行完就走咗去皇室堡。見到小丸子。

eeeee...

one..two...three 

留意個牌寫住"請勿觸摸"，其實如呢件係藝術品我明，

但你嘅裝飾佈置都係想吸引小朋友，

試問有邊個小朋友行埋嚟會唔掂吓唔摸吓呢？？？

平時守規矩嘅我都唔理佢喇

又一個請勿觸摸

不如叫啲保安數吓有邊個小朋友唔觸摸吖??!!

之後就去VV，就係呢到佢唔肯同我入女廁。

跟住行咗去玩具鋪，睇完出咗門口先話想再由個細門口再出
我話唔玩喇，佢都唔聽我講自己行咗去，
果刻我好嬲我話我走喇。。。隻腳走緊
隻眼稍到佢真係冇理我
好快咁自己走返去出個細門口。
平時我唔會特燈主動呢埋扮唔見咗嚇佢，
但呢次係佢自己擅自走開，我就要比佢知道咁做唔啱，

於是我行快幾步等佢見唔到我，而我又見到佢，
佢開始叫媽咪媽咪！開始大聲。。。叫左三聲，
已經有兩個EE察覺到佢搵緊媽媽，唔想攪大件事，
又唔想比人話我，又唔想嚇親佢
於是就快啲跳出嚟認領返

事後我有問返佢，佢話都驚唔見咗媽媽，
同埋知道咁做係唔啱。。。希望真係知道啦!

之後就同咗佢食tea

搭地鐵返尖沙咀去食冬至飯。

記得佢只係瞓咗大半個鐘嘛？ 搭地鐵時已經瞓到豬咁，

我又要抱住佢上去喇，我只係由地鐵抱到佢上去吉野家門口已經頂唔順，

已經差不多抱到跌佢落地。。

唯有走咗入cross話抱住小朋友可唔可以比我坐一陣。

佢地好好都比我坐，不過呢個時候佢居然醒咗，

我就連隨叫佢自己行，唔好瞓住。真係唔讚佢唔得，

佢OK自己繼續行

見到比卡超

行到去食飯果到就繼續比佢瞓！！

冬至飯

瞓醒有禮物收最開心

表舅父嘅聖誕禮物

乾濕樓黨

最後梗係同好錫小檬嘅表舅父表舅母影返張相啦!!

小檬@35M

已經踏入三歲喇，回顧下呢個月嘅情況先

食

聖誕後期病的期間，食得好差，

不過呢排婆婆話佢胃口好好，食好多。肉類都肯食吓，

湯/雪梨水都肯飲。廣州嘅疏堂姑姐係中醫，

話佢啲啲腸胃弱啲，早午晚如果佢肯都比返啲奶佢食補充吓，

另外同學車媽咪都有教我係啲食物或者飲品再加補能素，

好似啲葡萄糖咁

零食/糖同朱古力佢都好鍾意食，不過我就唔會比多，

薯片唔會食，因為我食親就話好辣，

之後再追住比佢問佢要唔要，結果佢好驚辣唔會食。

汽水都未試過，同薯片一樣爸爸話好辣，佢就唔試

魚柳包，橙汁，薯條係佢嘅至愛

水水同生果都好鍾意，所以Poopoo絕對冇問題

活動能力

返左學之後大小肌肉發展好快，擒高擒低，行樓梯都OK

好多好細微嘅手指動作都做到。

自理能力

扣扭（不過一時時）

去完VV自己休褲（優到歪歪斜斜，好好笑，我當然唔會喺佢面前笑佢啦）

自己著襪 (著親襪就話唔識著，鼓勵吓佢，迫下佢 ，又識！)

著鞋識分左右腳 (教咗佢左右魔術貼要拖手先啱，之後就識調返轉。)

凡事鍾意自己做 (好似有時順手會開埋水壺蓋比佢，佢就會關閉先，之後自己再開。)

除鞋仔自己放好 (有時都會掛著玩，唔記得。)

擰開蓋

抹咀/抹鼻水

去街自己拎袋執玩具

自己除外套

食完飯，碗碟自己拎返比姐姐

電視遙控大細聲

電腦mouse控制開好學校網站自己睇相/自己揀歌仔聽

VV

已經全部自己去，喺屋企有時姐姐同婆婆忙緊，

佢去自己去完會拎出嚟想幫手倒埋！！

（嚇C姐姐, 因為倒瀉咗佢要抹架！）

夜晚佢要VV, 會起身去，不過會叫我地。

唔會去落片片,其實可以試吓介埋夜片，不過見冬天可以遲啲先

出街太高同dirty嘅兜兜爸爸話佢就會話唔V 到。。不過到好急就可以去到。

試過淨係我同佢出街，要VV，帶佢入面女廁，

佢就同我講話自己係男仔，要去男廁。

我話但係我去女廁，佢入到去都唔會去到！

有次除哂褲，企咗一陣，先話冇，

我咪抱返佢落地，點知就呢個時候有。。。

其實好多地方冇小朋友廁所其實都係好唔方便。

poo poo

屋企完全冇問題
通常佢喺街嘅廁所都去唔到poopoo，不過有次可能太急，

於是我夾住佢都去到。而家出街已經冇用片好耐，係夜晚保險啲有用

仍然係一個好友善嘅小朋友，會帶住玩具到公園，

見到小朋友拎出分享叫小朋友一齊玩（其實可能係show off）

會同人地一齊玩。

街上嘅搭訕粉絲有時會好怕醜，有時會好主動say hi。

見到街坊同佢笑會笑返同打招呼（不過有時要鼓勵先得）

會關心人, 媽媽話唔開心，整親會錫吓我話唔使擔心（學電視廣告）
媽媽話累，會揼揼膊頭。
見到有車，就叫"婆婆睇住呀，果到有車嚟呀"

好錫妹妹，成日同佢玩，引佢笑。

不過有時妹妹會拎佢啲玩具，都會大叫NO 

（仲係鍾意同妹妹講英文。。。）

然後推開佢，我地都會教佢，

妹妹想睇吓佢啲玩具咁靚，一齊分享。

做錯就堅持要佢同妹妹道歉。

大部分時間同姐姐相處好好，唔會話姐姐新嚟就唔跟，

有時friend到指明要姐姐同佢沖涼。

有時姐姐做嘅野唔啱佢心水都會大呼叫姐姐，

我地都要佢同姐姐say sorry。

唔想養成少爺仔，自己做到嘅事就會叫佢自己做，怎至幫返姐姐，

拎妹妹片片。拎水水，拎褲仔衫仔，拎襪仔。幫妹妹抹口水。

終於肯比媽媽幫佢吹頭。

唔計聖誕節病嘅唔正常時間，今個月超乖，
印象中冇咩喊過，冇咩扭過計。
(媽媽比十二個讚, 咪講)

有唔聽話，講吓數都拆得掂

例如，朝早起身返學有時會話唔換衫住，

同佢講鐘嘅字跳到6字就要換，佢就會成日問住到未呀？

有時會叫佢睇住新聞台嘅跳字時間，等佢自己睇。一到佢就提返我。

講野好叻，好多聽到佢地講野都覺得佢唔似三歲，

一句句子不特止，

仲要用”本來，以為，點知，跟住，諗住，不如”

睇玩具依依然會話下次買。唔係而家買，
未試過扭買玩具
(因為我地已經主動買咗。。。wahaha 講笑)

唔會好特別癡邊個好獨立，

聖誕病果期好癡我。

而家瞓教都要我地講話吓故事講吓果日發生咩事先，

有時話出去換件衫返去都會自己瞓咗。不過我都好珍惜陪瞓嘅時間，

所以都會盡量陪吓佢。

呢個月最鍾意嘅pose

錫錫媽媽

自己食早餐

魔術貼拖到手, 左右就啱
就可以著鞋喇

自己著鞋

望鏡~ 大成功

成家第一次越洋飲

XO

飄零燕

以前唔肯玩嘅麵包超人轉轉，而家肯坐喇！

大C下嘅小檬好似特別啲

呢張就特別有型

同妹妹落公園

同妹妹去黃金海岸

媽咪話我呢張好靚仔喎

呢張就嬌悄

Kung Fu Panda

同妹妹姐姐sir滑梯

溫柔又關懷嘅眼神

廣州玩具叔叔嘅禮物

同媽咪一齊有新錶戴

扮花扮到塊面扁哂

 攬攬妹妹

 七武器之首

 shopping

妹妹，我地扮瞓教吖！


hahaha..haha

 慶祝Thomas生日（其實咁啱行過）

多謝COFFEE EE啲書書

媽媽好間唔中先比我睇一陣I pad，咁難得梗係同妹妹分享

玩完嘉年華，接埋妹妹食生日飯

收到好多禮物呀。。多謝哂!

希望keep住乖乖唔好變NY EE 口中嘅Naughty 3 啦!!