1.12.2015

澳門去飲之旅 1

雖然2014年已經去咗兩次澳門,今個星期又去!
今次係出席朋友嘅婚禮。
工作關上認識嘅朋友, 識吓識吓連我啲屋企人都識埋。
我都已經好熟, 都有請埋我屋企人!
所以今天我地一家繼廣州之旅之後
原班人馬,又一個澳門之旅~ 
唯一係多咗姐姐一齊去!

搭9點鐘船,兩位小朋友都啱啱瞓醒,
所以都好乖好合作。
小檬跟舅父坐,妹妹婆婆同姐姐睇住,
我就可以回復單身,小檬爸爸梗係睇佢最愛嘅報紙啦!

落船之後就搭shuttle bus去酒店

今次嘅outfit,小檬就唔使諗,舅父結婚做花仔時訂咗套禮服,
襯仲啱著就梗係著多次
(嚟緊仲有新年,情人節,生日。。哈哈)
初時話唔戴bo呔,氹到我口水乾先肯。

登登登
靚仔小檬出場~

妹妹之前條裙就驚佢凍唔可以著。
於是襯sale買咗條裙仔。
妹妹都唔可以比佢搶哂鏡嘅~

仲有爸爸同媽媽

好似明星出場咁,其實我地等緊接完新娘返嚟,
喺呢到等,唯有玩吓影吓相







點解小檬同妹妹豬成日心情都咁愉快?
我諗係因為佢地媽媽好鍾意同佢地玩,
亦好幸運,姐姐都係好鍾意同小朋友玩,
捉迷藏中
(其實婆婆/舅父都係)

舅父結婚果日都冇攬住個仔影張相,
今日可以補返

終於接完新娘喇,可以影返張合照
兄弟團(不分男女)女仔入面係lace see through bartop!(嘩~)

原本朋友想我地可以一齊食埋晏
不過小朋友肚餓又眼瞓,
要快啲食完算,就冇跟佢地出去,快啲喺酒店食就算。
又係我生日飲茶果間,
妹妹豬唔經唔覺都可以坐high chair 喇

超級呆嘅小檬,超級眼瞓

食咗唔夠一半,小檬已經頂唔住要瞓,
同果啲食緊瞓教嘅BB一樣
坐住瞓,哈哈
好好笑,話抱住佢又話唔好,
死頂~
終於先屈服爸爸抱住。

呢個時候應該攞好房休息一吓啦。
不過今次新娘嘅朋友話可以幫手安排幫我地訂房,
於是就搭佢訂埋,點知佢地訂嘅呢啲房喺未可以攞房嘅,
吓???
唯有喺酒店lobby坐一吓,就寄存咗啲未洗用嘅行李先
(我已經分好兩類行李)
小檬瞓咗都唔知有冇1個鐘就醒咗

著住套禮服就去玩
可能小檬著住禮服靚仔啲,沿途都好都途人望佢讚佢

而家模仿能力好高喇,自己識扮

影過萬千次卡通人物,呢3張相比較特別。
呢張小檬個表情好得意

功夫熊貓VS功夫小檬

呢個係全家福!

又嚟呢個麵包超人sir滑梯
(我的湊仔團隊)

玩完我地就出去食吓野
我地計埋妹妹一行8人 要兩架的士,
好在都算容易截,的士司機人數控制好嚴謹,
妹妹孭住點都要當一個。

影返張到此一遊先
妹妹瞓咗冇入鏡喇
我地去咗食牛雜。葡撻,豬扒包。。。

之前落的士比小檬見到個遊樂場
又點可以唔滿足吓小檬呢?!
成套禮服去sir滑梯,真係好尊敬場合囉~

太陽落山,開始返風,
於是就快啲走人,返酒店。

因為喺托朋友訂房嘅關係,呢啲房唔可以準時交房,
原因係一疋布咁長,總之我地5點幾6點都仲要滯留喺lounge到坐!
好似B6咁喺到餵奶
攪完一輪,終於差不多7點先上到房,
就急急腳碌埋床就去飲!

初時諗住姐姐自己去food court食完就自己返房,我地去飲,
點知佢食完Tea都好飽,又話驚我地湊住妹妹冇得好食。
於是同埋佢去,睇吓出面有冇lobby位坐吓,
好在我地飲果圍係我都識好熟嘅行家G叔叔一家
有啲係小朋友,於是就可以攝埋姐姐落嚟坐。

小檬又係眼瞓喇,又係唔肯比我地抱

飲完之後我地就送返小檬同妹妹地返酒店房,
婆婆同姐姐照顧佢地,同小檬講我地要去買船飛明天返香港,
都唔知佢明唔明,不過就冇話扭要跟住
頭先個行家朋友G就車我地同舅父地出去消夜!
佢地個個話飽,都照去燒夜
(其實我唔係好飽,因為要照顧小檬)
仲要去食牛骨煲
G叔叔仲冇啦啦叫自己冇食過嘅雞子添!!!

可能見有人陪啦。。哇,我見到就驚喇。。。。點食落口呀!!

檬爸同舅父就食牛骨都要用刀叉

其實係咁大舊好難咬

冇超諗反而喺澳門就有機會同朋友出去食吓燒夜,
其實係香港都得,不過係我自己唔想耷低佢地!

返到嚟點幾,快啲攪掂達落床瞓,姐姐就同妹妹瞓
我同小檬爸夾住小檬瞓,
瞓到一半,佢啲天殘腳呢,撐完我對腳轉頭已經成個調轉,
撐埋落我塊面到。之後仲成個打橫貼住床板瞓落個枕頭。
佢爸爸就瞓到隻豬咁,我就真係坐咗喺到。。。 

成晚就不停郁。。我好眼瞓呀~ 仔
嗚嗚嗚~ 

10 則留言:

  1. B BE表情多多好可愛, 大個咗好多呀~
    每次見到你哋帶2個寶貝去街, 都由衷地佩服, 我見到個行程都覺好攰喇

    回覆刪除
    回覆
    1. 其實小檬識行,已經同一個大人冇分別,只係佢瞓咗要抱下,不過今次佢連我地抱都話唔使,要自己瞓,我地其實冇咩辛苦。
      係妹妹麻煩啲,多啲野拎,不過有姐姐幫手,拎左個手拖已經唔使拎得咁辛苦!
      仲有婆婆,我哥同呀嫂,一人抱吓呀妹,其實真係唔係點辛苦!
      你見我坐船仲回復單身咁梳干就知啦!

      刪除
  2. 一家出巡咁,大陣仗呀~~ 不過又好HAPPY啦

    回覆刪除
    回覆
    1. 成家去玩真係好開心,最緊要係我有時候可以回復單身嘛。。哈哈

      刪除
  3. 有姐姐幫真係差好遠呀!兩個都咁靚仔靚女,絕對係媽媽既錯,哈哈哈哈哈!

    回覆刪除
    回覆
    1. 係呀。。多對手幫吓差好遠架。
      係我唔好,天生麗質,美艷動人!
      哈哈,係咪幫助消化,咩都嘔哂出嚟呢

      刪除
  4. 睇真啲原來小檬件褸同小檬爸件褸一樣款架????...好有型喎!!!

    回覆刪除
    回覆
    1. 係呀。。舅父結婚時訂做架!!
      價錢仲。。。雖然唔使我比,不過都係著得一次得一次

      刪除
  5. 小檬真係好型仔呀!你地一家都著得好靚靚,影啲相好似poster, haha

    回覆刪除
    回覆
    1. 多謝,用手機影咋!而家啲相機係屋企封塵

      刪除