B be @11M

B be 11月喇!

終於追返正日出！

妹妹豬嚟一個大躍進, 今個月真係識多好多野！ 

最重要係識得媽媽聲喇，最初係求救時叫媽，之後就要搵我時叫媽。

不過呼佢叫呢。。就會叫爸

食

超級為食，每縫我地食野，佢都會想食埋一份,咀郁郁。 

呢個月試多好多新野，有時仲唔係好食奶添。

廣州同澳門之旅令我地知道佢冇飯氣到肚係唔飽嘅。

瞓 

之前係貓屎教嘅佢，可能冬天喺床仔暖笠笠，

可以瞓耐啲，有時可以瞓到兩個鐘

明明上個月叻左架..而家夜晚又變返差喇。

九點幾食完Last milk之後，就開始入房瞓，通常十點前會瞓著。

唔知道點解通常到11點到12幾，佢就會醒一醒，

發覺我地唔喺身邊就喊。。。之後就要抱返瞓。

有時三點幾又醒多次！

夜晚爸爸抱永遠唔得。亦唔使旨意放落床自己瞓，

一放低就好似有鱷魚咬咁，起勢攬住你。

不過都有時可以瞓喺大床拍拍佢瞓著先落床仔。

活動能力

扶住牆呀/凳呀通屋行，終於肯用麵包超人車，都可以行哂成間屋，

自己企就兩三秒，好似好懶咁。

之後都有試行一兩步。不過似跳多啲。

落sofa呀。。落大床呀。。完全OK喇。

便便

一至兩日一次，最叻就係通常喺屋企先屙，

姐姐放假呢就等姐姐返嚟先屙。。

可能驚我地手勢唔好！哈哈！

新動作

點樣聽電話? 會放手喺耳仔到

點樣抹鼻架？會用紙巾捽鼻

點咁電視架？會用遙控指住電視

bye bye/錫錫／拍手都識喇。

open close 就識開手合手

識得鼻鼻／頭髮／燈燈

比人話佢就會即刻喊，爸爸例外，會笑=___=

可能佢心諗你都唔係真係鬧我嘅。

頭上夾仔都已經日日夾，都唔鍾意，好多時自己掹咗

頭髮長得好快，又孿，日日髮型都唔同，

不過都係以typhoon no 8 或者 no 10 居多

好鍾意同哥哥玩，小檬一入房佢實跟住入，

而家我地返工或者出門口冇帶佢實喊。

一放工返黎兩個就會笑哂爬嚟（行嚟）我到，好sweet！

之前超級唔比其他人抱嘅佢，而家有野睇行住街或者有野食都可以喇

我就唔使咁辛苦。

Boxing Day!

聖誕節去街街 

成日掹隻襪出嚟玩, 仲要聞臭襪 

我地話好臭好臭呀，佢就笑到咁

唔夾頭夾，再加啲孿，真係有啲成熟喎 

 媽咪同事啲辦，好靚嘅連身裙 

廣州玩具叔叔嚟咗香港，同佢食korean BBQ ！ 

餐廳好好，比咗間海景房我地呀！

之後就影吓羊羊

工人姐姐好叻呀。。幫媽咪影到張靚相！ 

頂帽冇咩戴過就唔啱喇。。唔同我係大頭妹？ 

點樣聽電話架？

喂喂？ 搵邊位？ 

 大個女，自己坐

snowman

媽媽鍾意同我合照，會顯瘦啲啲.有V面喎

  同noisy Nick 哥哥食飯
佢手機吓嘅我都好似靚啲咁

好似企得好叻，其實要埃住下先得

 去公園，踩三輪車

 這是媽媽口中的typhoon no 8