紅葉

見好多人都去青衣公園影紅葉，星期日，夜晚返婆婆屋企食飯，

咁近，冇理由唔去架？

於是就早少少返去喇。

大豬瞓醒咗，喺屋企食埋野先行，

呀小豬呢，好似就眼瞓咁，唔等喇，行左先算。

本來諗住推BB車，不過妹妹豬真係好唔鍾意坐車仔，

所以又放棄咗，又一樣BB用品名存實亡！

泊好架車喺婆婆屋企樓下就步行過去，

遊人已經比平時我行開嘅多。

我地喺屋苑則門入，一入就見到呢個景點

小檬又耍功夫

要就小朋友，其實好難影得靚，

不過最重要喺睇邊個揸機。。。

其實我攬住佢地兩個都夠

臨出門口時，攞埋架canon相機仔比小檬試吓影！

唔好睇佢細細架，係大C借比我用架，質素唔差架。

細細架就啱哂小檬手仔，容易操作，一個制攪掂。

最重要係，佢跌落地我都唔心痛吖嘛。。。wahaaha 

大C飛咗，應該睇唔到呢篇

（講笑咋，我又點會咁衰呢！！）

妹妹，望住我啦

跟住行入啲喇，好多人都係到影，不過兩個湊兩個嘅我地，

仲要一個未識行，真係好難影！

佢話扮花喎

        正經啲得唔得？ 

呢吓叫錫到燶哂！來自爸爸

沿住湖邊就有一排嘅紅葉

到此一遊

其實睇左冇15分鐘，大豬突然間話要VV，

爸爸就同佢去，小豬就眼瞓要瞓喇。

於是我就抱住佢瞓左之後，同佢返婆婆屋企。

爸爸就同小檬去放電。

我就趁機瞓咗半個鐘。

等妹妹豬醒就再行。

part 2

 時間都差不多五點幾，呢度坐喺舊石，影埋去都幾靚

好快手影咗幾張。咩表情都有喇

靚仔mode

呆呆mode

憂鬱mode

傻仔mode

更傻仔mode

妹妹狀態麻麻，好難先可以同哥哥有一張合照。

影完!

欣賞完紅葉，就欣賞吓小檬大C嘅處男作品啦！！

低炒原來都可以拉高個人

影得媽媽幾可愛！叻仔

反影爸爸

為小檬作品發佈首先曝光嘅姐姐！！

同樣可愛嘅舅母

舅父，你唔好話識我啊！

點解張張都咁清？因為有啲鬆郁朦啲delete咗啦，呢張係其中一張

呢部機其實對焦好唔快，佢第一次都算影得唔錯，

起碼係見到樣。當然有啲係唔知影咩啦

NT哥哥，可以比啲評語嘛？