小檬生日@嘉年華

小檬生日前一日已經開咗個生日會慶祝。

而正日呢就要返學，所以一早請定下午假，同佢去嘉年華～

咁啱之前一日見到大爺我另外兩個朋友又去咗玩，就比啲相佢briefing吓，

再話你睇小朋友玩得幾開心～（加跨張表情）

跟住做問卷調查，佢鍾意玩邊樣，

呢隻細膽豬就點名話玩企鵝溜冰，mc queen 車車同sir滑梯。

亦表明話唔玩打韆鞦同馬馬

好，目標明確又唔係樣樣玩都好

（因見到大爺媽話跌錢嘉年華我心都寒一寒）

多得大爺媽嘅飛卜先知溜冰對襪會濕哂，

於是已經做足準備！

yeah～ 係車到瞓夠就出發喇～

新眼鏡，佢自己話要拎嚟，此相是否找到亮點？

蠢咗，應該行另一面。。。。

如果車泊海港城，搭船嚟仲可以慳埋隧道費同地鐵錢！！

天氣和暖，仲有少少熱添！

上面的亮點已經移除

weekday入場大人＄90（包7個代幣）

第一個就想去玩Mc Queen車車，但比呢到啲車車吸引住。

小檬好謹慎，先觀察好點玩，玩d咩先話玩（其實係細膽）

比錢個方法有啲土炮，唔係自己入落個箱度，係自己比個工作人員，

佢再入落個箱度。之後小檬就揀咗呢架消防車。

3至4個圈就玩完。。。盛為4個代幣（＄40）

跟住就mcqueen車車。一行入去唔使排隊就玩。

好似唔夠高度就要大人陪同玩，於是我就陪佢啦，

冇諗過小朋友玩嘅車車都咁勁，佢每逢轉灣都係住去，飄哂移咁，

又dup哂break，chok黎chok去。

細細粒嘅小檬都飛嚟飛去，

而家先知上錯賊船嘅小檬就叫"玩完喇"！！

佢唔係話自己玩完，係想話自己唔玩喇～

於是我要右手扶實，左手攬實佢，等佢唔好咁chok，

不停同佢講野引開佢注意力，除咗小檬想佢快啲完，我都想！

玩完終於chok到手啲肌肉。好痛～

（不過好過chok到小檬！）

好喇，根據小檬嘅wishing list之後我地就去玩溜冰

結果係去到又話唔玩！真係特別～

拎去嘅三對襪就白拎

跟住我地就玩佢最鍾意嘅吹氣彈床

呢到4個代幣5分鐘真係貴到暈！！

可能weekday 唔多人所以都冇計我地時間，

三個任玩，喺到玩得最耐

開心

開心

同埋開心

follow me to ?

no ~ no~ no ~

有個小朋友話入錢玩射水水, 

點知入咗錢又話驚monkey叫。

但又要睇爸爸玩。

爸爸好似傻佬咁自己喺到玩~ 

跟住又見返啲車車，又話玩，

好啦，見佢冇玩幾樣

今次揀咗火車頭

好開心

另一吹氣彈床，見冇咩人，

見生日就賣大包, 又比佢玩

玩咗呢個網中跳彈床，sir滑樓。

平時啲playhouse都有，

不過通常太多人我唔比佢玩

呢個本來媽咪都有啲想玩，因為係低級版，可惜個小朋友又話唔玩

不過走咗又心CC話返去睇吓點玩。最終喺到睇啲公仔，仲踎低哂睇添。

見仲有啲coin淨，走咗去錠公仔，其實係錠錢！

臨走，我地先見到呢個地氈滑梯

話佢知滑梯就玩, 

(用哂啲幣先話玩 =___=)

小檬太細，就要爸爸陪同。

小檬會唔會驚呢？

結果係再玩多次

24孝爸爸即刻去唱錢啦～我就同工作人員哥哥吹吓水，

佢話入得嚟預使錢～

仲問玩唔玩，比我上埋去！

yeah，於是我又有得玩喇～

媽咪得未呀？？

我有窿窿樓梯恐恐懼症，

行親窿窿樓梯就好驚。。。。

撐咗兩層樓都腳仔軟

終於上到

咁難得，自拍一吓先。。

we are ready ~ 

唔使十秒就轉到落嚟，其實速度都唔慢，

都算好玩~

太細唔識自己攬住腳真係要大人陪~

上次去澳門飲小檬又話唔滑草，其實道理都一樣

佢鍾意呢個, 下次可以再去澳門滑草

開心時光走得快～要講拜拜喇

影埋摩天輪走得～接妹妹食飯

玩咗大約三個鐘，兩大一細，冇飲冇食，玩得唔多，

都使咗六百大元。。

咖啡杯，碰碰車，撐船仔，馬仔，旋轉韆鞦，....

仲有好多好多我地都冇玩

(差不多每個game都係4個代幣)

大爺媽"燒錢嘉年華"呢個名絕對冇改錯

可能小檬係錫住我地個銀包，

所以咁多野都話唔玩～