澳門去飲之旅 2

第二日，我都好似冇咩瞓過嘅

(留意唔知道點解爸爸係唔會受影響嘅！)

初時計劃去完睇熊貓就同個婆婆同公公嘅朋友飲茶，

後來meme more more嘅我地又遲咗，

終於走咗去food court 就算。

跟住行吓


影吓相，比人呃吓電郵地址


就搭車出去同叔叔EE飲茶。

（呢個叔叔喺澳門以前係踩單車比賽嘅（可能係澳門黃金寶）

小檬公公工作關係認識咗又做咗好朋友

約咗喺六棉，舊派酒樓，


sweet +呆 + 傻

小檬再一次被睡魔急call，都係爬喺到瞓！

食完就搭車去熊貓館。


細膽豬，咁企都話驚


一早知都唔多野睇，不過已經冇咩地方啱小朋友。

所以都照去。12歲以下／長者免費, 大人$20
淨係入去睇熊貓先要比錢

兩隻熊貓叫開開心心

不過而家得返一隻，因為心心C咗


婆婆喺酒店買咗呢隻功夫熊貓比小檬
佢係都要帶埋一齊睇熊貓

湊仔團隊(姐姐揸機)


妹妹豬勉強可以挨住企影到相

熊貓啱食完野，爬咗喺到。


妹妹都唔知睇咩，不過照影張相做證
唔想第時大咗話我淨係帶哥哥去


呢隻熊貓好似比起香港近啲

睇完睇埋其他動物
有鸚鵡／猴子（唔知咩猩猩）／狸貓。。。
仲有兩隻入嚟偷野食嘅老鼠

小檬特別鍾情呢啲狸貓。

因為喺Madagascar 嘅卡通人物之一




熊貓管理員

好似～

玩埋滑梯就走。


走去碼頭用貯物櫃寄存行李之後先再出返市區，

走去食冇耐冇食嘅牛雜（又係牛！）

點知冇開？！定係冇咗？

本來諗住周圍行吓，點知落雨。我地就再戰蝦子麵喇，

果間又有牛肚，又食。

呢個時候妹妹豬又肚餓，今日已經冇哂粥晏晝都係食吓啲包包，

同飲奶。走去買碗白粥比佢啦，

點知係搵唔到嘅，行吓行吓唯有買條蕉比佢食吓。

可能佢係"咕哩底"要有飯氣到肚，
都係唔夠飽，又嘈過。
於是我地就提早少少去到坤記（我最愛嘅牛尾）

喺隔離買碗白粥比佢食。其實我地食完間蝦子麵唔夠半個鐘。

不過我太耐冇食喇。。咩都食得落！

妹妹豬食完有扭吓眼瞓，唔鍾意坐定定，同佢喺隔離睇吓玩具喇！

小檬地食完睇一陣就走，初頭佢唔肯走，

不過應承睇多一次就真係對現承諾肯走，真係抵讚！！

好順利截到的士去碼頭，本來臨上船瞓咗嘅妹妹豬，
因為太重，要過手比爸爸，過咗三陣，
突然醒咗（＄）％＊）％＠＃％＆＃）
上到船就癲咗咁喊。。。。變咗哭鬧BB。
好令人討厭果隻，婆婆／姐姐／我三個輪流抱都唔得。
比個電子奶咀靜咗一陣，不過好快又嘈過！
我相信啲人嘅FB status 應該會講緊我地！
連姐姐都話"you stay at home喇～"

"兩隻小豬去旅行"呢個標籤短時間內應該變成
"一隻小豬去旅行！"