小檬病倒了

而家啲天氣真係好容易令人病，小檬喺聖誕假期嘅後半段病倒了，

本來安排好嘅節目都取消哂！

原本"海洋公園我嚟喇", 變咗"謝醫生我嚟喇!"

休息食藥喺屋企玩吓

病咗瞓極都好似好累，喺屋企都唔郁，

都有開碟佢睇, 等佢開心吓 !

媽媽最期待可以喺weekday放假冇咁多人出去玩，
點知就全家留喺屋企喇！

發燒，感冒，有鼻水，咳，好似樣樣齊。

食第一次藥就唔夠一分鐘嘔返出 @@

啲人發巔通常比人問食咗藥未，

我就覺得小檬係食咗藥先發巔！

平時都算好乖嘅小檬，病嘅呢個星期差不多每日都發巔！

咩都話唔好，唔夠兩秒就喊之後就大叫媽咪，仲要擘大喉嚨咁喊！

同黐咗冇分別。

我都明白唔舒服嘅難受，所以都盡量就吓佢，

慢慢講咁係唔啱嘅，唔可以比佢過份，唔係又返唔到轉頭。

唉，真係好煩！

跟住呢啲日子咩都要媽咪，

做咩都要媽咪，爸爸婆婆姐姐邊個都唔得。

瞓醒咗又突然大喊，我要媽咪呀。。。

好似好慘咁，問佢咩事，原來話要V V！

有啲咩事，唔like唔順眼又發巔。再係咁，我都會巔埋一份。

成日屈喺屋企都唔係辦法，就同佢落吓公園，




去吓7-11打咭（要入去睇吓個啲迪迪尼換購公仔）

扭吓蛋


務求令佢心情好啲，我都可以好啲。




病中送玩具嘅EE！ 

依然好呆

今日2015第一日返學，好驚仲會巔
尋晚妹妹又突然發燒，唔知係咪出牙仔，

半夜唔舒服又瞓得唔好，抱住瞓咗先放低。

超級眼瞓嘅我 (當兩孩的媽媽真的不容易)
今朝如臨大敵咁, 好在成功叫佢起身：

V V～要媽媽拖住去！

食早餐～順利。

換衫～一陣先。。

好在都可以講吓條件，個鐘跳到6字就要換架喇。。好守信用！

著襪著鞋～全部OK！

15分鐘攪掂哂出門口。

通常出門口我就話同佢鬥快噤lift，等佢開心吓（雖然佢未夠高，哈哈）

於是開心心笑住出門口

(長期保持開朗心情, 做媽媽真係好累架)

落到樓下例位

每次影相我都話要影張相比校巴司機叔叔先得，佢都好合作～
好在又back to normal.

其實夜晚仲有一兩聲咳我都唔比藥水佢食喇，等佢自己好。

唔想啲藥令佢又發顛

見到小朋友病，通常媽咪都情願病嘅係自己，

我都係咁諗，因為起碼我唔會發巔，

唔使諗要點應付佢！