復活節1 ~ Ocean Park

復活節假期第一日，我地去咗海洋公園

對上一次係超級熱嘅夏天淨係同小檬去，

今次就帶埋妹妹啦！

食完早餐就出發～

媽咪將日本嘅戰利品著哂上身～

兩個背囊仔size啱啱好

妹妹呢條tee裙著起好啱身，cute～ 

小檬Tee加襪仔都係

天氣雖然唔係好熱，

不過妹妹都係紮起啲頭髮好啲。

不停郁，啲頭髮不停跌。。。

原來好難紮=__=

唔理喇, 全部夾起晒就算～

大約11點去到要排車龍，好在都仲有位拍，

不過爸爸已經拍到架車好遠，

好在我地落車先, 坐喺到等吓爸爸 

小檬你會唔會坐得太串？

妹妹剛眠咗一眠，醒咗有啲呆

呢隻肥肥哋嘅snoopy 親戚就啱哂為食嘅妹妹

必影門口位

呢個小妹呢。。一放低就走佬

小妹都有自己行，不過唔多。。因為好慢=____=

鳴謝哥哥波鞋仔

妹妹一放佢影相就走佬，唔抱住影唔到

哥哥而家就叻喇～

先到熊貓館

小妹又走佬

兩隻熊貓都瞓咗教

唯有走去睇小熊貓

見到喇。。。好清楚哩??

唔好睇錯小朋友個背囊呀

繼續天然呆

總算見到熊貓，我教小檬佢地食緊竹呀。。

跟住小檬問咁點解妹妹啲粥白色嘅？

哈哈。。。

我即刻糾正係竹葉，妹妹果啲係白粥

妹妹都算係咁，有啲驚，不過都冇喊

之後就坐喺d露天檯到開餐

食完跟住就排隊睇新嘅澳洲館

要等45mins。。

行吓等吓，時間都算好快過

入到去喇，要保持安靜

袋鼠都冇跳嚟跳去。

今日樹熊冇郁呀。。一堆毛巾咁

(咁啱我屋企有條咁嘅顏色大毛巾，所以覺得好似)

媽咪呢隻好近呀

爸爸你做咩面容扭曲?

eeeeee......

遊客都好合作，會保持安靜

原來呢日其中一條纜車線維修，要單線行使，

超多人等搭纜車呀。

所以我地都冇搭，慳返啲時間。

影咗當搭咗，第一嚟嘅妹妹應該未識失望

到咗海洋劇場

我地早左少少到，啲小朋友都瞓左一吓，音樂一起，

佢地就自動彈起身。

有少少太陽，攪到佢兩個個樣好好笑

啱啱醒，好得意

開始喇

妹妹未識表達，不過就係咁指住啲海豚跳嚟跳去

跳吓跳吓，游吓游吓。。

海洋劇場就完。

我深信以前嘅海洋劇場係好睇啲嘅。

返去睇雀鳥劇場。。。

我都嘅鍾意睇，啲雀仔又可以近啲接近我地。

妹妹豬都會叫bird、bird

臨尾比錢錢鸚鵡，小檬就好叻，妹妹就唔敢，C都攬住我

連砵砵小火車都要排

同爸爸玩得幾開心

情人即係情人

今次一人一個位喇

妹妹豬好開心，雖然都有起左一吓身

不過都算肯坐架喇

跟住就旋轉木馬，初頭估妹妹唔肯坐架。點知又肯喎。。

小檬就話下次唔使爸爸扶要自己坐

第時兩個自己玩，我就同爸爸去拍拖

小檬仲想睇威威戲場～不過已經過咗時，

唯有影咗當睇咗啦

最後睇埋水族館就走~

湊住兩個去，冇想像中咁辛苦，

小檬就識自己行，自己啲水呀。。外套，

餐具都自己孭住,

可以話係幫到手。

妹妹雖然識行，不過未穩，又細粒，

好難全程拖住佢，所以都以抱為主。

孭帶/車仔冇帶(帶咗都係用嚟推野妹妹唔係好肯坐，)

hip seat 冇買，

主力我同爸爸兩個輪流抱，

姐姐都有去，孭妹妹袋啲物品

姐姐都prefer自己孭多個推架車。

都有間中幫吓手抱妹妹

年咭到6月到期，我地去咗4次，已經回本。

遲啲應該都會續