日本4日3夜親子遊~ Day 3 (下)

終於離開Asobono

過返頭先嘅商場La qua

行過間treasure island，買咗啲龍貓產品，

比起之前對十果時嚟

yen跌啲產品真係平, 有啲唔信

 唔買啲真係唔安樂

途中見都one piece，有朋友好鍾意，影低佢做手信

whatsapp手信，唔使買，慳返！


wakakaa...

終於見到啲小朋友可以入嘅夾公仔舖

（因為夜晚果啲全部唔比小朋友入）

入去玩咗麵包超人車車

精通日文嘅小檬，一睇就明個遊戲玩咩

不知幾咁投入！

可能係兒時情意結，小檬爸爸見到個sega膠袋好開心，

於是我攞咗一個送比佢。

出到黎就見到呢個好似我地嘅嘉年華會。

呢到機動遊戲為主

洗衣機

旋轉木馬

海盜船

跳彈床

小檬玩咗個車車。。

爸爸排咗隊先知要喺架機買飛

都咪話唔貴！

一個圈就完，超快

跟住就真係要坐吓休息一吓，順便食啲野，

日本人都好鍾意食pancake，雖然條隊都唔短，

不過照排

爸爸排隊等嘅期間，已經見到小檬好眼瞓，

其實過哂naptime，問佢抱住佢瞓吓好冇，

佢又堅持話唔好，唔使喇唔使喇。。。

我叫佢咁伏喺到唞吓啦。。

講唔夠三分鐘就瞓著咗～ 

結果件pancake我食

爸爸就抱住佢喺starbucks教教豬～

跟住就我~自~由~喇！！

齋行la qua呢到

淨係睇小朋友啲雨褸我都已經好開心～ 必買！

啲雜貨真係好靚～ 

買咗兩件雨褸，一件風褸，一件OP，

一大袋小朋友用具，

兩支指甲油

(明明我已經冇搽咗好耐，不過都會買，

因為啲顏色太靚，細細支，too cute)

大約一個鐘

一出到嚟搵返佢地,

見到爸爸同小檬食緊麵包

小檬爸爸真係好~ 

幫手照顧住小檬等我好好放心去行街！

又問我點解唔行耐啲呀？？

（其實我都想）

不過個心點都係掛住你兩個嘅

而且我地仲有下一站。。。

呢個係第一嚟必影嘅地方

而家有架camera影住我地

小檬都唔例外

呢日好多人呀。。。成條街都係人～

話哂媽咪都係薯片怪

我地排咗隊食自己口味卡樂B

我地揀咗節日限定嘅士多碑梨。同朱古力。

老老實實，我就唔太欣賞，

可能我本身唔太好甜野。

比包正常嘅卡樂C我就得架喇，

不過一場嚟到，梗係試吓。

跟住媽咪就跌入深淵 ~ Laforet

行咗大半個鐘，

好艱難先行得返出嚟。

我已經好克制自己，唔啱style 唔睇，

唔啱price range嘅唔睇，

唔想離開佢地太耐，簡直係跑住嚟睇，

最終都係喺到買咗兩件衫，4對耳環。

之後行去kiddy land到會合小檬地

玩得幾開心!

行咗5層玩具，玩咗5層！

最終係冇買到玩具嘅。

小檬嘅戰鬥力應該跌穿水平

上kiddy land 之前仲識暴走

行完淨係坐喺到。

醫肚先～終於可以食返我最鍾意嘅蝦丼。

連唔食蝦嘅小檬都食哂成碗飯咁滯

食飯前影咗張相比婆婆同妹妹

返酒店前，經過見到呢檔關東煮

其實應該喺到食就仲有風味，不過太大風，驚凍親小檬，

都係返酒店食，好在好近酒店，返到去都仲熱！

好累....zzz zzzzzz